மதுராந்தகம்:

ஜெம் வீரமணி கைது விவகாரம் மற்றும் தேர்தல் வாக்குறுதிகள் குறித்து முதலமைச்சர் விஜய் கூறியது அனைத்தும் பச்சைப் பொய் என அதிமுக பொதுச்செயலாளர் எடப்பாடி பழனிசாமி சரமாரியாக விமர்சித்துள்ளார்.

தகுந்த பாடம் புகட்டுங்கள்:

மதுராந்தகம் சட்டமன்றத் தொகுதி இடைத்தேர்தலில் போட்டியிடும் அதிமுக வேட்பாளர் கணிதா சம்பத்தை ஆதரித்து, எல்.எண்டத்தூர் பகுதியில் எடப்பாடி பழனிசாமி தீவிரப் பிரச்சாரம் மேற்கொண்டார். அப்போது அவர் பேசுகையில், \”அதிமுக சார்பில் வெற்றிபெற்றுவிட்டு, குதிரை பேரத்தில் பெட்டி வாங்கிப் பதவியை ராஜினாமா செய்தவருக்கு இந்தத் தேர்தலில் தகுந்த தண்டனை கொடுங்கள்\” என்று கேட்டுக்கொண்டார்.

அத்தனையும் பச்சைப் பொய்:

“குழந்தைகளைச் சீரழித்தவர்களை நான்தான் கைது செய்தேன் என முதல்வர் விஜய் கூறுகிறார்; அது பச்சைப் பொய். திமுக ஆட்சியில் எஃப்.ஐ.ஆர் போடப்பட்ட இந்த வழக்கில், ஜூன் மற்றும் ஜூலை மாதங்களில் விசாரணை வந்தபோது தவெக அரசு தொடர்ந்து வாய்தா கேட்டது. நீதிபதி பொறுமையிழந்து உத்தரவிட்ட பிறகே வீரமணி கைது செய்யப்பட்டார். இரண்டரை மாதம் வாய்தா வாங்கிக் காப்பாற்றியது தவெக அரசுதான்\” என அவர் குற்றம் சாட்டினார். மேலும், வீரமணியை தவெக அமைச்சர் குடும்ப நண்பர் எனக் கூறியதையும் அவர் சுட்டிக்காட்டினார்.

ஆடம்பரச் செலவும் கடனும்:

“தவெக அரசு எந்தவொரு வாக்குறுதியையும் நிறைவேற்றவில்லை. ஆனால், முதல்வருக்குக் கடல் காற்று நேரடியாகப் பட வேண்டும் என்பதற்காக நாமக்கல் கவிஞர் மாளிகையில் 10 கோடி ரூபாய் செலவில் ஒரு புதிய அறை தயாராகிறது. 4 மாதங்களில் 40 ஆயிரம் கோடி ரூபாய் கடன் வாங்கியுள்ளனர். லண்டன் பயணம் எதற்காகப் போனார் என்பது உங்களுக்குத் தெரியும்\” என அடுக்கடுக்கான குற்றச்சாட்டுகளை முன்வைத்தார்.

#EPS #CMVijay #TVK #AIADMK #GemVeeramani #Maduranthakam #TNPolitics #BmNews #TamilNews #BreakingNewsTN #TamilNaduNews #LatestNews #TamilNewsLive