நடப்பாண்டின் இதுவரையான காலப்பகுதியில் டெங்கு நோயினால் உயிரிழந்தவர்களின் எண்ணிக்கை 77 ஆக அதிகரித்துள்ளது.
தேசிய டெங்கு கட்டுப்பாட்டு பிரிவு இதனை அறிவித்துள்ளது.
அத்துடன், இதுவரை 99,634 டெங்கு நோயாளர்கள் பதிவாகியுள்ளதாகவும் அந்த பிரிவு குறிப்பிட்டுள்ளது.
பதிவான மொத்த நோயாளர்களில் 52,340 பேர் மேல் மாகாணத்தைச் சேர்ந்தவர்கள் ஆவர்.
மாவட்ட ரீதியில் கம்பஹா மாவட்டத்தில் அதிகளவான டெங்கு நோயாளர்கள் பதிவாகியுள்ளனர். அங்கு 21,136 பேர் பாதிக்கப்பட்டுள்ளனர்.
கொழும்பில் 19,569 பேரும், கண்டியில் 7,547 பேரும், களுத்துறையில் 6,339 பேரும், மாத்தறையில் 6,273 பேரும் பதிவாகியுள்ளனர்.
இதனிடையே, இந்த ஆண்டில் அதிகளவான டெங்கு நோயாளர்கள் ஜூலை மாதத்தில் (29,964) பதிவாகியுள்ளனர்.
ஜூன் மாதத்தில் 21,533 பேரும், ஒகஸ்ட் மாதத்தில் 10,155 பேரும் டெங்கினால் பாதிக்கப்பட்டுள்ளனர்.
செப்டம்பர் மாதத்தில் இதுவரை 4,144 டெங்கு நோயாளர்கள் பதிவாகியுள்ளதாக தேசிய டெங்கு கட்டுப்பாட்டு பிரிவு தெரிவித்துள்ளது.
