சூர்யா நடித்​துள்ள ‘சீன்’ திரைப்​படம் வெளியானது. இதில் நஸ்ரியா, நஸ்​லென் உள்​பட பலர் நடித்​துள்​ளனர். இதன் புரமோஷனில், ‘3 அல்​லது 4-வது முயற்​சிக்​குப் பிறகே நஸ்ரியா என்​னுடன் நடிக்​கச் சம்​மதித்​தார். 12 ஆண்​டுகளாகத் தமி​ழில் எந்​தப் படத்​தையும் ஒப்​புக் கொள்​ளாமல் இருந்த அவர், இறுதி​யில் எங்​கள் படத்​தில் நடிக்​கச் சம்​மதித்​ததற்கு நன்றி” என்று சூர்யா கூறி​யிருந்​தார்.

இதற்​குப் பதிலளித்​துள்ள நஸ்ரியா, “சூர்யா சார் அப்​படிச் சொன்​னது வெறும் நகைச்சுவைக்​காகத்​தான். உண்​மையில் கால்​ஷீட் பிரச்​சினை மற்​றும் சில குழப்​பங்​கள் காரண​மாகவே நடிக்க முடி​யாமல் போனது. சூர்​யாவின் திரைப்​படத்தை நான் எப்​படி வேண்டு​மென்றே நிராகரிக்க முடியும்?

12 ஆண்​டுகளாகத் தமி​ழில் நடிக்​காததற்​குத் தனிப்​பட்ட காரணம் ஏது​மில்லை. சரியான கதை மற்​றும் கதாபாத்​திரம் எனக்கு அமையாததால்​தான் நடிக்​க​வில்லை” என்று தெரி​வித்​துள்​ளார். நஸ்ரியா, தமி​ழில் கடைசி​யாக ‘திரு​மணம் எனும் நிக்​காஹ்’ என்ற படத்​தில் நடித்​திருந்​தார்.
ரசிகர்​களுக்கு சிறப்பான அனுபவத்​தைத் தரும் ‘ஜான் டோ’ திரைப்​படம் – சஞ்​சனா நடராஜன்

அர்​ஜுன் தாஸ், சஞ்சனா நடராஜன், சிருஷ்டி, ஜாரா உள்​பட பலர் நடித்​துள்ள ‘ஜான் டோ’ திரைப்​படம் நவ.13-ல் வெளியாக இருக்கிறது. மதுமிதா இயக்​கி​யுள்ள இப்​படத்​துக்கு பிரீதா ஜெயராமன் ஒளிப்​ப​திவு செய்​துள்​ளார். முஜீப் மஜீத் இசையமைத்​துள்​ளார். அர்கா மீடியா வொர்க்ஸ் சார்​பில் ஷோபு யார்​ல​கட்டா, பிரசாத் தேவினேனி தயாரித்​துள்​ளனர். இப்​படத்​தின் டிரெய்​லர் வெளியீட்டு விழா சென்​னை​யில் நடந்​தது. படக்​குழு​வினர் கலந்து கொண்​டனர்.

நடிகை சஞ்​சனா நடராஜன் கூறும்​போது, ‘‘அர்​ஜுன் தாஸுடன் நான் நடிக்​கும் 2-வது படம் இது. இதில் நாங்​கள் போலீஸ் அதி​காரி​களாக நடித்​திருப்​பது மகிழ்ச்​சி​யையும் பெரு​மையையும் அளிக்​கிறது. அர்​ஜுன் தாஸ் படப்​பி​டிப்​புத் தளத்​தில் ஜாலியாகவும் கல​கலப்​பாகவும் இருப்​பார். அவருடன் சீரியஸான காட்​சிகளில் நடிப்​பது கூட சில நேரங்​களில் சவாலாக இருக்​கும்.

அவருடன் மீண்​டும் பணி​யாற்​றியது சிறப்​பான அனுபவம். இந்​தப் படத்​துக்​காக சுமார் 35 நாட்​கள் தொடர்ந்து பணி​யாற்றினேன். இது​வரை பணி​யாற்​றிய குழுக்​களில் மிகவும் திட்​ட​மிட்​டும் நேரத்தை வீணாக்​காமலும் திறமையாகவும் பணி​யாற்​றிய குழு இது​தான்.

தினமும் படப்​பி​டிப்​புக்​குச் செல்​வதே உற்​சாக​மாக இருக்​கும். குறிப்​பாக, படக்​குழு​வில் நிறைய பெண்​கள் இருந்​தது கூடுதல் மகிழ்ச்சி. சென்​டிமென்ட் கலந்த சைக்​கலாஜிக்​கல் திரில்லர் திரைப்​படம் இது. படத்​தைப் பார்த்​தவர்​கள் நன்​றாக இருப்​ப​தாகத் தெரி​வித்​துள்​ளனர். இப்​படம் ரசிகர்​களுக்கு சிறப்பான அனுபவத்​தைத் தரும்” என்​றார்.