வெற்றுப் போத்தல்களின் உற்பத்திச் செலவு அதிகரித்துள்ளமையைத் தொடர்ந்து, நவம்பர் 1 ஆம் திகதி முதல் நடைமுறைக்கு வரும் வகையில் மதுபானங்களின் விலைகளை உயர்த்தியுள்ளதாக மதுபான உற்பத்தி நிறுவனங்கள் தெரிவித்துள்ளன.
இதற்கமைய, 750 மில்லி லீட்டர் (ml) கொள்ளளவு கொண்ட வெற்றுப் போத்தலொன்றின் உற்பத்திச் செலவு 160 ரூபாயாக அதிகரித்துள்ளது. அதேவேளை, 375 மில்லி லீட்டர் மற்றும் 180 மில்லி லீட்டர் கொள்ளளவு கொண்ட போத்தல்களின் விலைகள் முறையே 140 ரூபாய் மற்றும் 109 ரூபாயாக உயர்ந்துள்ளன.
இதன் காரணமாக, வாடிக்கையாளர்களிடமிருந்து பெறப்படும் மீளளிக்கப்படக்கூடிய வெற்றுப் போத்தல்களுக்கான வைப்புத் தொகையும் அதிகரிக்கப்பட்டுள்ளது.
அதன்படி:
750 மில்லி லீட்டர் போத்தல்: 60 ரூபாயிலிருந்து 100 ரூபாய் வரை,
அரை போத்தல் (375 ml): 40 ரூபாயிலிருந்து 70 ரூபாய் வரை,
180 மில்லி லீட்டர் போத்தல்: 20 ரூபாயிலிருந்து 30 ரூபாய் வரை உயர்த்தப்பட்டுள்ளன.
மீளளிக்கப்படும் வெற்றுப் போத்தல்களைப் பெற்றுக்கொள்ளாத மதுபான நிறுவனங்கள், போத்தல்களுக்கான இந்த கூடுதல் கட்டணச் சுமையை நுகர்வோர் மீதே சுமத்தியுள்ளன.
உற்பத்திச் செலவு அதிகரிப்பைக் சுட்டிக்காட்டி, போத்தல் வைப்புத் தொகைகளில் மேற்கொள்ளப்பட்டுள்ள இந்த விலை அதிகரிப்புத் தொடர்பாக மதுபான உற்பத்தி நிறுவனங்கள் தமக்கு உத்தியோகபூர்வமாக அறிவித்துள்ளதாக சுங்க வரித் திணைக்களத்தின் மூத்த அதிகாரி ஒருவர் தெரிவித்தார்.
