கனடாவின் டொராண்டோ போக்குவரத்து ஆணைக்குழுவின் (TTC) பேருந்திற்குள் சிறுவன் ஒருவனுக்குப் பாலியல் தொல்லை அளித்த குற்றச்சாட்டின் பேரில் தேடப்பட்டு வரும் சந்தேகநபரின் புகைப்படங்களை டொராண்டோ பொலிஸார் வெளியிட்டுள்ளனர்.
கடந்த ஜூலை 16ஆம் திகதி பிற்பகல் 4:00 மணியளவில் விக்டோரியா பார்க் மற்றும் டான்ஃபோர்த் வீதிகளின் சந்திப்பில் வைத்து இச்சம்பவம் இடம்பெற்றுள்ளதாகப் பொலிஸார் தெரிவித்துள்ளனர்.
பாதிக்கப்பட்ட சிறுவன் விக்டோரியா பார்க் சுரங்கப்பாதை நிலையத்திலிருந்து (Victoria Park Subway Station) பேருந்தில் ஏறி, சாரதியின் இருக்கைக்குப் பின்னால் உள்ள முதல் வரிசையில் அமர்ந்துள்ளார்.
இதன்போது பேருந்தில் ஏறிய சந்தேகநபர், சிறுவனுக்கு அருகில் அமர்ந்து உரையாடலில் ஈடுபட்டுள்ளதுடன், திடீரென அவருக்குப் பாலியல் தொல்லை அளித்துவிட்டு டான்ஃபோர்த் வீதிக்கு அருகில் பேருந்திலிருந்து இறங்கித் தப்பிச் சென்றுள்ளார்.
சந்தேகநபரின் அடையாளம்:
வயது: 30 முதல் 40 வயது வரை
உயரம்: 5 அடி 8 அங்குலம்
உடல் அமைப்பு: சுமார் 190 பவுண்டுகள் எடை
அணிந்திருந்த உடை: பச்சை நிற போலோ டி-சர்ட் (Green polo shirt), அடர் சாம்பல் நிற விளையாட்டுச் காற்சட்டை (Dark grey sweatpants) மற்றும் அடர் நிறச் செருப்பு (Fisherman-style sandals).
சந்தேகநபரை அடையாளம் காண்பதற்காக அவரது புகைப்படங்களைப் பொலிஸார் பொதுமக்களின் பார்வைக்கு வெளியிட்டுள்ளனர். சந்தேகநபர் குறித்த தகவல்கள் தெரிந்தவர்கள் உடனடியாக 416-808-4100 என்ற தொலைபேசி இலக்கத்திற்குத் தொடர்புகொள்ளுமாறு டொராண்டோ பொலிஸார் கேட்டுக்கொண்டுள்ளனர்.
