சென்னை,

தமிழக சட்டசபை தேர்தல் களம் இறுதிக்கட்டத்தை எட்டியுள்ள நிலையில், தந்தி டிவி வெளியிட்டுள்ள கருத்துக்கணிப்பு முடிவுகள் அரசியல் வட்டாரத்தில் பெரும் பரபரப்பை ஏற்படுத்தியுள்ளன. குறிப்பாக, விருதுநகர் தொகுதியில் களம் காணும் தேமுதிக வேட்பாளர் விஜய பிரபாகரன் மீதான எதிர்பார்ப்பு அதிகரித்துள்ளது.

காமராஜர் பிறந்த மண்ணான விருதுநகர் தொகுதியில் இம்முறை தேமுதிக சார்பில் விஜய பிரபாகரன், அதிமுக சார்பில் வி.ஜி.கணேசன், தவெக சார்பில் செல்வம் மற்றும் நாதக சார்பில் லட்சுமணன் ஆகியோர் போட்டியிடுகின்றனர். தந்தி டிவியின் கணிப்பின்படி, விருதுநகரில் தேமுதிகவுக்கு 38% முதல் 44% வரை வாக்குகள் கிடைக்க வாய்ப்புள்ளதாகத் தெரியவந்துள்ளது. அதிமுக 35% முதல் 41% வாக்குகளுடனும், தமிழக வெற்றிக் கழகம் 11% முதல் 17% வாக்குகளுடனும் அடுத்தடுத்த இடங்களில் உள்ளன.

கடந்த நாடாளுமன்றத் தேர்தலில் நூலிழையில் வெற்றியைத் தவறவிட்ட விஜய பிரபாகரனுக்கு, இம்முறை ‘கேப்டன்’ விஜயகாந்தின் செல்வாக்கு, இளைஞர்களின் ஆதரவு மற்றும் ஜாதி வாக்குகள் ஆகியவை பெரும் பலமாக அமைந்துள்ளதாகக் கூறப்படுகிறது. 2006 முதல் திமுகவின் கோட்டையாகத் திகழும் விருதுநகரை, 2011-ல் தேமுதிக கைப்பற்றிய வரலாறும் உண்டு. அந்த சாதனையை விஜயகாந்தின் வாரிசு மீண்டும் நிகழ்த்தி சட்டசபைக்குள் நுழைவாரா என்பது மே மாதம் தெரிந்துவிடும்.

#VijayaPrabhakaran #DMDK #Virudhunagar #TNElection2026 #ThanthiTVSurvey #CaptainVijayakanth #TamilNaduElections #OpinionPoll2026 #VirudhunagarPolitics #CaptainLegacy #TNElectionResults #VijayaPrabhakaranVote #DMDK2026 #PoliticalSurvey #TamilPolitics #ElectionUpdate #BreakingNews #VirudhunagarCandidate #VoteForChange #VijayakanthSon