சென்னை:
அதிமுக-வின் 4 எம்.எல்.ஏ.க்கள் தங்கள் பதவியை ராஜினாமா செய்துவிட்டு தவெக-வில் இணைந்த விவகாரம், குதிரை பேரம் நடந்ததாக எழுந்த குற்றச்சாட்டுகளுடன் நீதிமன்ற படியேறியது. திருச்செந்தூரைச் சேர்ந்த ராம்குமார் ஆதித்தன் என்பவர், இந்த விவகாரம் குறித்து சிபிஐ விசாரணை நடத்த உத்தரவிட வேண்டும் எனக் கோரி சென்னை உயர் நீதிமன்றத்தில் மனுத் தாக்கல் செய்திருந்தார். தலைமை நீதிபதி எஸ்.ஏ. தர்மாதிகாரி மற்றும் நீதிபதி அருள் முருகன் அடங்கிய அமர்வு முன்பாக இன்று இவ்வழக்கு விசாரணைக்கு வந்தது. மனுதாரர் தரப்பில், எம்.எல்.ஏ-க்கள் தவெக-வில் இணைந்த வேகமே குதிரை பேரம் நடந்திருப்பதற்கான சந்தேகம் என வாதம் முன்வைக்கப்பட்டது.
இதற்குப் பதிலளித்த நீதிபதிகள், ஒரு சட்டமன்ற உறுப்பினர் ராஜினாமா செய்வது என்பது அவரது தனிப்பட்ட விருப்பம் என்றும், அதில் நீதிமன்றம் தலையிட முடியாது என்றும் திட்டவட்டமாகக் கூறினர். மேலும், குற்றம்சாட்டப்பட்ட குதிரை பேரத்திற்குப் போதுமான ஆதாரம் இருக்கிறதா என்று நீதிபதிகள் கேள்வி எழுப்பினர். ஆதாரம் இல்லாமல் வெறும் சந்தேகத்தின் அடிப்படையில் சிபிஐ விசாரணைக்கு உத்தரவிட முடியாது எனக் கூறிய நீதிபதிகள், வழக்கை ஒத்திவைத்தனர். தேர்தல் அரசியல் களத்தில் நடக்கும் மாற்றங்களை ஜனநாயகப்பூர்வமான நிகழ்வுகளாகக் கருதும் நீதிமன்றத்தின் இந்த அணுகுமுறை, ஆளுங்கட்சியான தவெக-விற்கு ஒரு சட்டப்பூர்வமான பாதுகாப்பு வளையத்தை உருவாக்கியுள்ளது.
#HighCourt #MadrasHighCourt #ADMK #TVK #MLA #Resignation #HorseTrading #CBI #Justice #TamilNadu #TamilNews #BMNews #PoliticalUpdate #BreakingNewsTN #SofaModelGovernment #Politics2026 #PoliticalDrama #CourtVerdict #TamilNaduPolitics #Vijay #ThalapathyVijay #Democracy #LegalNews #PoliticalRebellion #TamilNaduNews
