அயர்லாந்து: உலகளாவிய சவால்களுக்கு எந்தவொரு தனி நாடோ அல்லது அமைப்போ முழுமையான தீர்வுகளை வழங்கிவிட முடியாது என்றும், உலகம் ஒரு புதிய சகாப்தத்திற்குள் (New era) நுழைந்து கொண்டிருக்கிறது என்றும் பிரதானி மார்க் கார்னி (Mark Carney) தெரிவித்துள்ளார்.
பிரான்சில் நடைபெறவுள்ள ஜி7 (G7) உச்சிமாநாட்டிற்கு முன்னதாக அயர்லாந்தில் உரையாற்றிய போதே அவர் இதனைத் குறிப்பிட்டுள்ளார். அவரது உரையின் முக்கிய விபரங்கள் பின்வருமாறு:
வளர்ந்து வரும் புதிய சர்வதேச ஒழுங்கு (Emerging International Order)
-
கூட்டுமுயற்சிகள்: செயற்கை நுண்ணறிவு (AI), சிறுவர் பாதுகாப்பு, பொருளாதார பாதுகாப்பு மற்றும் உலகளாவிய ஸ்திரத்தன்மை போன்ற முக்கிய விடயங்களில், நாடுகள் இனி ஒரு தனி ஆதிக்க சக்தியை (Dominant power) நம்பியிருக்கப் போவதில்லை. அதற்குப் பதிலாக, நெகிழ்வான கூட்டணிகள் (Flexible partnerships) மற்றும் குறிப்பிட்ட விவகாரங்கள் சார்ந்த நாடுகள் குழுமங்களின் (Issue-specific coalitions) மூலமாகவே நாடுகள் இணைந்து செயல்படும்.
-
ஜி7 அமைப்பின் பங்கு: இந்த புதிய சர்வதேச ஒழுங்கமைப்பின் அடித்தளத்தை வடிவமைப்பதில் ஜி7 கூட்டமைப்பு உதவ முடியும் என அவர் பரிந்துரைத்துள்ளார். நாடுகள் தங்களின் நலன்கள் ஒத்துப்போகும் இடங்களில் ஒன்றிணைந்து செயல்பட வேண்டும் என்றும் அவர் கேட்டுக்கொண்டார்.
உலகளாவிய பாதுகாப்பு மற்றும் ஈரான் விவகாரம்
திங்கள்கிழமை பிரான்சின் எவியன்-லெ-பெய்ன்ஸ் (Évian-les-Bains) நகரில் தொடங்கவுள்ள ஜி7 உச்சிமாநாட்டில், உலகளாவிய பாதுகாப்பு விவகாரங்கள், குறிப்பாக ஈரான் சம்பந்தப்பட்ட மோதல்கள் குறித்து தீவிரமாக விவாதிக்கப்படும் என்று எதிர்பார்ப்பதாக கார்னி தெரிவித்தார்.
சர்வதேச சமூகம் உடனடியாகப் போர்நிறுத்தத்தை (Ceasefire) எட்டவும், பிராந்தியத்தில் பதற்ற நிலை மேலும் அதிகரிப்பதைக் குறைக்கவும் தங்களால் இயன்ற அனைத்தையும் செய்ய வேண்டும் என்றும் அவர் வலியுறுத்தியுள்ளார்.
