சென்னை:
அதிமுக-வில் ஏற்பட்டுள்ள பிளவு உச்சகட்டத்தை எட்டியுள்ள நிலையில், எடப்பாடி பழனிசாமி உள்ளிட்ட 22 எம்.எல்.ஏ-க்களைத் தகுதி நீக்கம் செய்யக் கோரி சபாநாயகரிடம் சி. விஜயபாஸ்கர் தரப்பு மனு அளித்துள்ளது. இது அரசியல் வட்டாரத்தில் பெரும் அதிர்வலைகளை ஏற்படுத்தியுள்ளது.
சமீபத்தில் நடைபெற்ற சட்டமன்ற நம்பிக்கை வாக்கெடுப்பில், எஸ்பி வேலுமணி தலைமையிலான 25 அதிமுக எம்.எல்.ஏ-க்கள் தவெக அரசுக்கு ஆதரவாக வாக்களித்தனர். ஆனால், எடப்பாடி பழனிசாமி தலைமையிலான 22 எம்.எல்.ஏ-க்கள் அரசுக்கு எதிராக வாக்களித்தனர். இந்நிலையில், எஸ்பி வேலுமணி தரப்பால் கொறடாவாக நியமிக்கப்பட்ட முன்னாள் அமைச்சர் சி. விஜயபாஸ்கர், சபாநாயகரைச் சந்தித்து புகார் மனு ஒன்றை அளித்தார்.
செய்தியாளர்களிடம் பேசிய சி. விஜயபாஸ்கர், “பெரும்பான்மையான அதிமுக எம்.எல்.ஏ-க்களின் ஆதரவுடன் எஸ்பி வேலுமணி சட்டமன்றக் குழுத் தலைவராகவும், நான் கொறடாவாகவும் நியமிக்கப்பட்டுள்ளோம். நேற்று நடந்த வாக்கெடுப்பில் அரசுக்கு ஆதரவாக வாக்களிக்கக் கோரி நாங்கள் பிறப்பித்த கொறடா உத்தரவை எடப்பாடி பழனிசாமி உள்ளிட்ட 22 பேர் மீறியுள்ளனர். எனவே, கட்சித் தாவல் தடைச் சட்டத்தின் கீழ் அவர்கள் அனைவரையும் தகுதி நீக்கம் செய்ய வேண்டும் எனச் சபாநாயகரிடம் வலியுறுத்தியுள்ளோம். சட்டமன்ற விதிகளின்படி பெரும்பான்மை எம்.எல்.ஏ-க்கள் எடுக்கும் முடிவே இறுதியானது” எனத் தெரிவித்தார். அதிமுக-வின் இரு தரப்பும் ஒருவரையொருவர் தகுதி நீக்கம் செய்ய முயன்று வருவதால், தமிழக அரசியல் களம் பரபரப்பின் உச்சத்தில் உள்ளது.
#ADMK_War #EPSvsSPV #VijayBhaskar #Disqualification #BreakingNews #May14 #TamilNaduPolitics #AiadmkSplit #WhipOrder #AssemblyConflict #ThalapathyVijay #TVK_Support #LegalBattle #StalinVsVijay #EdappadiPalaniswami #Velumani #FortStGeorge #TamilNews #VictoryForVijay #CM_Vijay_Official_“`
