டிக்சன் மற்றும் மார்ட்டின் குரோவ் வீதிகளுக்கு அருகே கடைசியாகக் காணப்பட்ட 23 வயது பெண்ணை டொராண்டோ போலீசார் தேடி வருகின்றனர். (டொராண்டோ காவல் துறை வெளியிட்ட படம்)
கடந்த வெள்ளிக்கிழமை முதல் காணாமல்போயுள்ள 23 வயதுப் பெண்ணைக் கண்டுபிடிக்க பொதுமக்கள் உதவுமாறு டொராண்டோ காவல்துறையினர் கேட்டுக்கொண்டுள்ளனர்.
கிறிஸ்டின் (Christine) என அடையாளம் காணப்பட்டுள்ள அப்பெண், வெள்ளிக்கிழமை காலை 8 மணியளவில் ‘டிக்சன் மற்றும் மார்ட்டின் குரோவ்’ (Dixon and Martin Grove) வீதிகள் அமைந்துள்ள பகுதிக்கு அருகே கடைசியாகப் பார்க்கப்பட்டுள்ளார்.
அவர் சுமார் 5 அடி 7 அங்குல உயரமும், மெலிந்த உடல்வாகையும், குறுகிய பழுப்பு நிற முடியையும் கொண்டவர் என விவரிக்கப்பட்டுள்ளார். அவர் கடைசியாகப் பார்க்கப்பட்டபோது ஊதா நிற தொப்பி வைத்த சட்டையும் (purple hooded sweater), கருப்பு நிறத் தளர்வுப் காற்சட்டையும் (black sweatpants), மஞ்சள் நிற காலணிகளையும் (yellow sandals) அணிந்திருந்தார்.
“அவரது பாதுகாப்பு குறித்து காவல்துறையினர் கவலை அடைந்துள்ளனர்” என்று புலனாய்வாளர்கள் செய்திக்குறிப்பில் தெரிவித்துள்ளனர்.
அவரைத் தேடும் பணிகளுக்காக 600 டிக்சன் வீதியில் (600 Dixon Road) தற்காலிக கட்டளை மையம் (Command Post) ஒன்று அமைக்கப்பட்டுள்ளது.
இதுகுறித்த தகவல் ஏதேனும் தெரிந்தவர்கள் 416-808-2300 என்ற எண்ணில் காவல்துறையைத் தொடர்புகொள்ளலாம்.
