ரஷ்ய ஜனாதிபதி ஒரு ‘கொலையாளி’ – உக்ரைன் ஜனாதிபதி

சீனாவில் இந்த வாரம் நடைபெற்ற சந்திப்பின் போது ரஷ்ய ஜனாதிபதி விளாடிமிர் புடினை தனது “நண்பர்” என அமெரிக்க ஜனாதிபதி டொனால்ட் ட்ரம்ப் குறிப்பிட்டதற்குப் பதிலளித்துள்ள உக்ரைன் ஜனாதிபதி வோலோடிமிர் ஜெலென்ஸ்கி, புடின் ஒரு “கொலையாளி” எனத் தெரிவித்துள்ளார்.

சி.என்.என் செய்திச் சேவைக்கு வழங்கிய செவ்வியில், “புடினை எவ்வாறு அழைப்பது என்பது அமெரிக்க ஜனாதிபதியின் விருப்பம்; ஆனால் எங்களைப் பொறுத்தவரை அவர் ஒரு எதிரி… எங்களைப் பொறுத்தவரை அவர் ஒரு கொலையாளி” என ஜெலென்ஸ்கி கூறியுள்ளார்.

சீன ஜனாதிபதி ஜி ஜின்பிங் மற்றும் புடின் ஆகியோருடன் வியாழக்கிழமை நடைபெற்ற வரலாற்றுச் சிறப்புமிக்க முத்தரப்புச் சந்திப்பிற்கு முன்னதாக, புடினைத் தனது “நண்பர்” என அழைத்த ட்ரம்ப், இரு தலைவர்களுக்கும் இடையில் “பல ஆண்டுகளாகச் சிறந்த உறவு” இருந்து வருவதாகத் தெரிவித்திருந்தார்.

இதேவேளை, உக்ரைன் மீதான ரஷ்யாவின் தாக்குதல்கள் இரவோடு இரவாகத் தொடர்ந்தன. மத்திய டினிப்ரோபெட்ரோவ்ஸ்க் (Dnipropetrovsk) பிராந்தியத்திலுள்ள ஜெலென்ஸ்கியின் சொந்த ஊரான கிரிவி ரி (Kryvyi Rih) மீது நடத்தப்பட்ட ஏவுகணை மற்றும் ஆளில்லா விமானத் (ட்ரோன்) தாக்குதல்களில் ஒரு சிறுவன் உட்பட இருவர் கொல்லப்பட்டதுடன் 52 பேர் காயமடைந்துள்ளதாக அதிகாரிகள் தெரிவித்துள்ளனர்.

வடகிழக்கு கார்கிவ் (Kharkiv) பிராந்தியத்தில் 11 பேரும், வடமேற்கு ரிவ்னே (Rivne) பிராந்தியத்தில் ஒருவரும் காயமடைந்துள்ளதாக உக்ரைனின் அரச அவசரகாலச் சேவை (DSNS) அறிவித்துள்ளது.

முன்னதாக வெள்ளிக்கிழமை, தலைநகர் கீவ்வில் உள்ள பாலங்கள் மற்றும் மேற்கு உக்ரைனில் உள்ள ரயில் நிலையங்களை இலக்கு வைத்து ரஷ்யா நடத்திய தாக்குதல்களில் குறைந்தது ஒன்பது பேர் கொல்லப்பட்டனர். 27 கண்டம் விட்டு கண்டம் பாயும் ஏவுகணைகள் உட்பட 110 ஏவுகணைகள் மற்றும் 400-க்கும் மேற்பட்ட ட்ரோன்கள் மூலம் நடத்தப்பட்ட இத்தாக்குதலை, “இந்த ஆண்டின் மிகப்பெரிய தாக்குதல்” என ஜெலென்ஸ்கி வர்ணித்துள்ளார்.

கிரிமியன் பாலத்தை (Crimean Bridge) உக்ரைன் பாரியளவில் சேதப்படுத்திய சில நாட்களின் பின்னர் இந்தப் பதிலடித் தாக்குதல்கள் நடத்தப்பட்டுள்ளன.

வெள்ளிக்கிழமை உக்ரைன் மீது தாக்குதல்கள் நடத்தப்பட்ட சில மணிநேரங்களுக்குப் பின்னர் வெள்ளை மாளிகையில் செய்தியாளர்களிடம் பேசிய ட்ரம்ப், “போரை முடிவுக்குக் கொண்டுவர புடின் மிகவும் விரும்புகிறார்” எனத் தெரிவித்தார்.

“அவர்கள் இருவரும் (ஜெலென்ஸ்கி மற்றும் புடின்) போரை முடிவுக்குக் கொண்டுவர விரும்புகிறார்கள்; அவர்களுடன் எனக்கு நல்லுறவு இருப்பது மிகவும் நல்ல விடயம்” எனவும் ட்ரம்ப் கூறினார். ரஷ்யத் தலைவரை நண்பர் எனக் குறிப்பிட்டதை மீண்டும் உறுதிப்படுத்திய ட்ரம்ப், ஆனால் அமெரிக்காவுக்குப் புடின் நண்பரா என்பது குறித்துத் தன்னால் கருத்துத் தெரிவிக்க முடியாது என்றார்.

எவ்வாறாயினும், ட்ரம்பின் நிலைப்பாடு எதுவாக இருந்தாலும், புடினைத் தாம் ஒரு “கொலையாளியாகவே” பார்ப்பதாக ஜெலென்ஸ்கி கூறியுள்ளார். “உலக மக்களில் பெரும்பாலானோருக்கு அவர் ஒரு கொலையாளிதான்; ஏனெனில் அவர் இரவும் பகலும் கொலைகளைச் செய்து கொண்டிருக்கிறார்” என அவர் சி.என்.என் இடம் தெரிவித்தார். புடினை ஒரு “நண்பர்” போலப் பேசுவது, “அவர் மீது போதிய அழுத்தம் பிரயோகிக்கப்படவில்லை” என்பதையே காட்டுவதாகவும் ஜெலென்ஸ்கி சுட்டிக்காட்டினார்.

இந்த வார்த்தைப் போருக்கு மத்தியில், வெள்ளிக்கிழமை அதிகாலை தென்கிழக்குப் பகுதியில் ரஷ்யாவின் குரூஸ் ஏவுகணை உட்பட மூன்று பொருட்கள் தமது வான்பரப்பை அத்துமீறியதாக அண்டை நாடான போலந்து அறிவித்துள்ளது.

உக்ரைன் எல்லையிலிருந்து சுமார் 50 கிலோமீற்றர் தொலைவில் உள்ள நோவி லிபோவிச் (Nowy Lipowiec) என்ற கிராமப்புறப் பகுதியில் அந்த ஏவுகணை வீழ்ந்ததாகப் போலந்து பாதுகாப்பு அமைச்சர் விளாடிஸ்லாவ் கோசினியாக்-கமிஸ் தெரிவித்துள்ளார்.

‘விருப்பமுள்ளவர்களின் கூட்டணியில்’ அங்கம் வகிக்கும் 36 நாடுகளில் 11 நாடுகளைச் சேர்ந்த ஐரோப்பியத் துருப்புக்கள் பயிற்சி நடவடிக்கையை நிறைவு செய்து கொண்டிருந்த இடத்திலிருந்து சுமார் 100 கிலோமீற்றர் தொலைவில் இச்சம்பவம் இடம்பெற்றுள்ளது. மேலும் ஒரு ஏவுகணையும் ஜெட் இயந்திரம் பொருத்தப்பட்ட ட்ரோன் ஒன்றும் வேறு இரு இடங்களில் வீழ்ந்திருக்கலாம் எனச் சந்தேகிக்கப்படுவதாகப் போலந்து அதிகாரிகள் தெரிவித்துள்ளனர்.

இது ஒரு விபத்தாகத் தெரியவில்லை எனப் போலந்து பிரதமர் டொனால்ட் டஸ்க் தெரிவித்துள்ளார். இச்சம்பவத்தில் எவருக்கும் காயமோ சேதமோ ஏற்படாத போதிலும், இதனை மாஸ்கோவின் “ஆத்திரமூட்டும் செயல்” என வார்சா கண்டித்துள்ளது.

“போலந்து வான்பரப்பின் பாரதூரமான மீறல்களை” கண்டித்துள்ள நேட்டோ (NATO) பொதுச் செயலாளர் மார்க் ரூட்டே, இதற்குப் பதிலடியாக இராணுவக் கூட்டணியின் போர் விமானங்கள் உடனடியாக அனுப்பப்பட்டதாகத் தெரிவித்தார்.

வெள்ளிக்கிழமை உக்ரைன் மீது நடத்தப்பட்ட பாரிய தாக்குதலின் போது இடம்பெற்ற இந்த வான்பரப்பு மீறல்கள் குறித்து ரஷ்யா எவ்விதக் கருத்தையும் வெளியிடவில்லை. 2022 பெப்ரவரியில் உக்ரைன் மீது புடின் முழு அளவிலான படையெடுப்பைத் ஆரம்பித்தமை குறிப்பிடத்தக்கது.

ra

அரசியல் குழு மோதல்: பிரித்தானியாவை சர்ச்சைகளுக்குரிய களமாக மாற்றக்கூடாது – அரசியல் விமர்சகர் ரகிப் எஹ்சான்

November 22, 2026

கிழக்கு லண்டனில் பங்களாதேஷைச் சேர்ந்த போட்டி அரசியல் குழுக்களுக்கிடையே அண்மையில் இடம்பெற்றதாகக் கூறப்படும் மோதல்கள், பிரித்தானியாவில் சமூக ஒருங்கிணைப்பு மற்றும்

den

டெங்கு பரவல் வவுனியாவில் அதிகரிப்பு!

November 22, 2026

வவுனியா நகரத்தைச் சுற்றியுள்ள பகுதிகளில் டெங்கு காய்ச்சலின் தாக்கம் தீவிரமடைந்து வருவதால், பலர் பாதிப்புக்குள்ளாகி வைத்தியசாலையில் சிகிச்சை பெற்று வருவதாகத்

cyb

இலங்கையுடன் இணையும் அமெரிக்கா; இணையவழி மோசடிகளைக் கட்டுப்படுத்தத்திட்டம்?

November 22, 2026

அமெரிக்காவின் மத்திய புலனாய்வுப் பணியகத்தைச் சேர்ந்த அதிகாரிகள் குழுவொன்று சட்டமா அதிபர் திணைக்களம் மற்றும் இலங்கைப் பொலிஸ் பிரதிநிதிகளுடன் கலந்துரையாடல்களை

Pra

இலங்கையின் புனிதப் பிரதேசத்தில் இராமர் கோயில் அமைக்கும் திட்டம் இல்லை – பிரபாத் சந்திரகீர்த்தி

November 22, 2026

த்த மரபுரிமைகளையும் தொல்பொருள் பெறுமதிகளையும் பாதுகாத்து அநுராதபுரம் புனிதப் பிரதேசத்தை அபிவிருத்தி செய்வதற்கு மாநாயக்க தேரர்கள் எதிர்ப்புத் தெரிவிக்கவில்லை. புனிதப்

vi

இலங்கை எப்படி இருக்கிறது? விண்வெளியிலிருந்து நாசா வீரர் புகைப்படம் பகிர்வு!

November 22, 2026

சர்வதேச விண்வெளி நிலையத்திலிருந்து (ISS) எடுக்கப்பட்ட இலங்கையின் கண்கவர் புகைப்படம் ஒன்றை நாசா விண்வெளி வீரர் டாக்டர் அனில் மேனன்

WhatsApp Image 2026-11-21 at 13.50.11

ஐக்கிய அரபு இராச்சியத்தின் வேட்பாளருக்கு பிரிட்டன், பிரான்ஸ் வீட்டோ எதிர்ப்பு!

November 22, 2026

சூடானில் இடம்பெறும் கொடூரங்களுக்கு ஐக்கிய அரபு இராச்சியத்திற்கு தொடர்பிருப்பதாகக் கூறப்படும் குற்றச்சாட்டுகளை முன்வைத்து, அடுத்த ஐக்கிய நாடுகள் சபையின் பொதுச்செயலாளரைத்

gelem

ரஷ்ய ஜனாதிபதி ஒரு ‘கொலையாளி’ – உக்ரைன் ஜனாதிபதி

November 22, 2026

சீனாவில் இந்த வாரம் நடைபெற்ற சந்திப்பின் போது ரஷ்ய ஜனாதிபதி விளாடிமிர் புடினை தனது “நண்பர்” என அமெரிக்க ஜனாதிபதி

rum

ஐரோப்பாவில் மண் சரிவில் சிக்கிய 2 இலங்கைத் தொழிலாளர்கள்; ஒருவர் சடலமாக மீட்பு!

November 22, 2026

ஐரோப்பிய நாடான ருமேனியாவின் Găneasa பகுதியில் ஏற்பட்ட மண் சரிவில் சிக்கிய இரண்டு இலங்கைத் தொழிலாளர்களில் ஒருவர் உயிரிழந்த நிலையில்

Parliament

பாராளுமன்றில் செலவுத் தலைப்புகள் நிறைவேற்றம்!

November 22, 2026

2027 ஆம் ஆண்டுக்கான ஒதுக்கீட்டுச் சட்டமூலத்தின் குழுநிலை விவாதத்தின் முதல் நாளான நேற்று(21) விவாதத்திற்கு எடுத்துக்கொள்ளப்பட்ட ஜனாதிபதி, பிரதமர் அலுவலகம்

IMG_2342

பிள்ளையானிற்கு விடுதலை இல்லை

November 21, 2026

பிள்ளையானை பிணையில் விடுவிக்குமாறு கோரி தாக்கல் செய்யப்பட்டுள்ள மனு, எதிர்வரும் ஜனவரி மாதம் 18 ஆம் திகதி பரிசீலனை செய்யப்படும்

IMG_2341

மோட்டார் சைக்கிள்களுக்கு தனியான போக்குவரத்து வழித்தடம்

November 21, 2026

நாட்டில் நாளுக்கு நாள் அதிகரித்து வரும் உயிரிழப்புகளை ஏற்படுத்தும் வீதி விபத்துக்களைக் குறைக்கும் முக்கிய நடவடிக்கையாக, மோட்டார் சைக்கிள் சாரதிகளுக்கு

IMG_2325

யாழ்ப்பாணப் பல்கலைக்கழக மோதல்

November 21, 2026

யாழ்ப்பாணப் பல்கலைக்கழகத்தின் வர்த்தக மற்றும் முகாமைத்துவ பீடத்தின் இரண்டாம் மற்றும் மூன்றாம் வருட மாணவர் குழுக்களுக்கிடையே ஏற்பட்ட கடும் மோதல்