அஸ்வெசும நலத்திட்டத்தின் கீழ் தகுதியுடைய பயனாளிகளுக்கான நிதியுதவிகளை நாளை (14) முதல் வங்கிக் கணக்குகள் ஊடாகப் பெற்றுக்கொள்ள முடியும் என அறிவிக்கப்பட்டுள்ளது.
இதற்கமைய, அஸ்வெசும நலத்திட்ட உதவிகளுக்காக மொத்தம் 2 பில்லியன் 41 மில்லியன் 711 ஆயிரத்து 250 ரூபாய் பயனாளிகளின் வங்கிக் கணக்குகளில் நாளை வைப்பிலிடப்படவுள்ளது.
குறித்த நிதியுதவியைப் பயனாளிகள் நாளை முதல் தங்களது அஸ்வெசும வங்கிக் கணக்குகள் ஊடாகப் பெற்றுக்கொள்ள முடியும்.
இதேவேளை, அஸ்வெசும நலத்திட்டத்தின் முதலாம் கட்டத்தின் கீழ், 2026 ஒக்டோபர் மாதத்திற்கான நலத்திட்ட உதவித் தொகையை வழங்குவதற்கும் அரசாங்கம் நடவடிக்கை எடுத்துள்ளது.
அதன்படி, முதலாம் கட்டத்தின் கீழ் தகுதிபெற்றுள்ள 9 இலட்சத்து 85 ஆயிரத்து 283 பயனாளி குடும்பங்களுக்கு, மொத்தமாக 9 பில்லியன் 123 மில்லியன் 802 ஆயிரத்து 500 ரூபாய் ஒதுக்கப்பட்டுள்ளது.
இந்த நிதியுதவியையும் நாளை (14) முதல் சம்பந்தப்பட்ட பயனாளிகள் தங்களது அஸ்வெசும வங்கிக் கணக்குகள் ஊடாகப் பெற்றுக்கொள்ள முடியும் எனத் தெரிவிக்கப்பட்டுள்ளது.
இதனால், அஸ்வெசும நலத்திட்டத்தின் கீழ் நிதியுதவிகளை எதிர்பார்த்துக் காத்திருக்கும் பயனாளிகள் நாளை முதல் தங்களது வங்கிக் கணக்குகளைச் சரிபார்த்துக்கொள்ள முடியும்.
