மெல்பேர்ன்:

உலகத் தமிழர் பேரமைப்பின் தலைவரும், தமிழ்த் தேசிய இயக்கத் தலைவருமான பழ. நெடுமாறன் அவர்களின் மகன் மாணிக்கம் (வயது 57) அவுஸ்திரேலியாவில் காலமானார்.

புற்றுநோயால் உயிரிழப்பு:

மெல்பேர்ன் நகரில் புத்த மதத் துறவியாக வாழ்ந்து வந்த மாணிக்கம், புற்றுநோயால் கடுமையாகப் பாதிக்கப்பட்டுச் சிகிச்சை பெற்று வந்தார். இந்நிலையில், சிகிச்சை பலனின்றி இன்று அவர் உயிரிழந்ததாகத் தகவல் வெளியாகியுள்ளது. இது பழ. நெடுமாறன் குடும்பத்தினர் மத்தியில் பெரும் சோகத்தை ஏற்படுத்தியுள்ளது.

கடவுச்சீட்டு முடக்கம்:

தமிழீழ விடுதலைப் புலிகளுக்கு ஆதரவாகச் செயல்பட்டதாகக் கூறி, ஒன்றிய அரசு பழ. நெடுமாறனின் கடவுச்சீட்டை முடக்கியுள்ளது. இதனால், பழ. நெடுமாறன் மற்றும் அவரது துணைவியாரால் அவுஸ்திரேலியாவிற்குப் பயணம் செய்ய முடியாத சட்டச் சிக்கல் நிலவுகிறது.

பெற்றோர் தவிப்பு:

கடவுச்சீட்டு முடக்கப்பட்ட காரணத்தினால், உயிரிழந்த தமது மகனின் இறுதிச் சடங்கில் கூடப் பங்கேற்க முடியாமல் பெற்றோர் தவித்து வருவது பலரையும் நெகிழ்ச்சியடையச் செய்துள்ளது. அன்னாரது மறைவுக்குப் பலரும் ஆழ்ந்த இரங்கல்களைத் தெரிவித்து வருகின்றனர்.

#PazhaNedumaran #Manickam #Australia #Melbourne #TamilNaduNews #BmNews #TamilNews #BreakingNewsTN #TamilNewsLive