தியாகதீபம் தீலிபன் ; சிலை அகற்றப்பட்ட செயலுக்கு சர்வதேச சமூகம் உடனடியாக தனது கண்டனத்தை வெளியிட்டு இலங்கை அரசாங்கத்திற்கு அழுத்தங்களை பிரயோகிக்கவேண்டு;ம் என சிவகுரு ஆதீன முதல்வர் வேலன் சுவாமிகள் வேண்டுகோள் விடுத்துள்ளார்
அவர் மேலும் தெரிவித்துள்ளதாவது

ஞாயிற்றுக்கிழமை காலை இலங்கை பொலிஸாரால் கடந்த 12 நாட்களாக நாங்கள் நிறுவி வழிபட்ட சிலை எங்களுடைய தியாகதீபம் தீலிபன் அண்ணாவின் சிலை ஒரு அராஜகத்தனமாக அடாவடித்தனமாக அகற்றிவைக்கப்பட்டிருக்கின்றது.
இதனை நாங்கள் அனைவரும் வன்மையாக கண்டிக்கின்றோம்.
தியாகதீபம் தீலிபன் அண்ணா அவர்கள் அடிப்படை உரிமைகளுக்காக ஒரு சொட்டு நீர் கூட அருந்தாமல் தன்னை வருத்தி தனது ஊனை உருக்கி தமிழ் இனத்திற்காக தமிழ் இன விடுதலைக்காக தன்னை அர்ப்பணித்த ஒரு பெரும் தியாகி.அப்படிபப்பட்டவருடைய சிலையை நிறுவி அந்த நினைவுத்தூபி அமைந்திருக்க கூடிய இடத்திலே நாங்கள் வழிபாடாற்றுவதும்,எங்களை நினைவேந்தல் செய்வதும், சர்வதேச சட்டங்களின் பிரகாரம் அடிப்படை உரிமை.
அந்த அடிப்படை உரிமையை இலங்கை பொலிஸார் அராஜகமாக வந்து அகற்றி செல்வார்களாகயிருந்தால்,நீதிமன்றத்தின் ஊடாக எந்த வித கட்டளைகளும் பெறப்படவில்லை.
நீதிமன்றம் இந்த விடயத்தில் நாங்கள் தலையிட மாட்டோம் என அறிவித்ததன் பிற்பாடு,இவ்வாறு செயற்படுவார்களாகயிருந்தால் இங்கே சட்டத்திற்கும் நீதிக்கும் எங்கே இடம்.
உள்ளுராட்சி மன்றங்களுக்கு அதிகாரம் வழங்கப்பட்டிருக்கும்போது யாழ்மாநகரசபை தான் சிலையை அகற்றியிருக்கவேண்டும், மாநகரசபையை மீறி பொலிஸார் சிலையை அகற்றியிருப்பது என்பது உள்ளுராட்சி சபைகளுக்கும் மக்களால் தெரிவு செய்யப்பட்ட பிரதிகளுக்கும் எந்த அதிகாரமோ பலமோ இல்லை என்பதை வெட்டவெளிச்சமாக எடு;த்துக்காட்டுகின்றது.
இவ்வாறான அராஜகங்களை இலங்கை அரசு காலத்திற்கு காலம் தமிழ் மக்களுக்கு எதிராக முன்னெடுப்பதை நாங்கள் ஒருபோதும் ஏற்றுக்கொள்ள முடியாது,இலங்கை அரசினுடைய உயர்மட்ட அனுமதியில்லாமல் இ;ந்த சிலை அகற்றம் ஒருபோதும் இடம்பெற்றிருக்க முடியாது.
இலங்கை அரசுசார்பிலே ஆட்சியிலே இருக்கின்ற ஜனாதிபதி, முதல் அத்தனை பேரும் ஒட்டுமொத்த சிங்கள பேரினவாத அரசும் இதற்கு பொறுப்பேற்கவேண்டும்.
கவனயீர்ப்பு போராட்டங்களை தமிழர் தாயகத்திலும் தமிழகத்திலும் புலம்பெயர் தேசத்திலும் அனைவரும் நடத்தி இதற்கு எதிராக குரல்கொடுக்கவேண்டும்.கண்டன அறிக்கைகளை வெளியிடவேண்டும் கவனயீர்ப்பு போராட்டங்களை நடத்தவேண்டும்.
(ரி)