ஸ்கார்பரோவில் உள்ள குடியிருப்பு வளாகத்திற்கு வெளியே இடம்பெற்ற துப்பாக்கிச் சூட்டுச் சம்பவத்தில் ஒருவர் படுகாயமடைந்துள்ளதாக ரொறன்ரோ பொலிஸார் தெரிவித்துள்ளனர்.
லாரன்ஸ் அவென்யூ ஈஸ்ட் (Lawrence Avenue East) மற்றும் கொலோவே வீதி (Galloway Road) சந்திப்பு பகுதியில் இரவு 9:10 மணியளவில் துப்பாக்கிச் சூடு இடம்பெற்றதாக பொலிஸாருக்கு அழைப்பு கிடைத்துள்ளது.
சம்பவ இடத்திற்கு விரைந்த பொலிஸார், துப்பாக்கிச் சூட்டுக்கு இலக்கான ஆண் ஒருவரைக் கண்டறிந்தனர். உயிருக்கு ஆபத்தான நிலையில் பலத்த காயமடைந்த அவரை அவசர மருத்துவ ஊர்திப் பணியாளர்கள் (Paramedics) உடனடியாக மருத்துவமனையில் அனுமதித்துள்ளனர்.
துப்பாக்கிச் சூடு நடத்திய நபர் தொடர்பான தகவல்கள் எதுவும் இதுவரை வெளியிடப்படவில்லை. மேலும், இச்சம்பவத்திற்கான பின்னணி மற்றும் காரணங்கள் உடனடியாகத் தெரியவரவில்லை எனத் தெரிவிக்கப்பட்டுள்ளது
