ஜூன் 18, 2026
வியாழக்கிழமை அதிகாலை நோர்த் யார்க் (North York) பகுதியில் இடம்பெற்ற ஒற்றை வாகன விபத்தைத் (Single-vehicle crash) தொடர்ந்து, மூன்று பெரியவர்கள் மற்றும் ஒரு பதின்ம வயதுடைய (Teen) சிறுவன் உட்பட நால்வர் மருத்துவமனையில் அனுமதிக்கப்பட்டுள்ளனர்.
இந்த விபத்தானது அதிகாலை 12:45 மணியளவில், இஸ்லிங்டன் அவென்யூவிற்கு (Islington Avenue) கிழக்கே உள்ள ஃபின்ச் அவென்யூ வெஸ்ட் (Finch Avenue West) மற்றும் மைலேடி வீதி (Milady Road) சந்திப்பிற்கு அருகில் இடம்பெற்றுள்ளது.
இவ்விபத்தின் காரணமாக மூன்று பெரியவர்களுக்கும் ஒரு சிறுவனுக்கும் உயிருக்கு ஆபத்தற்ற, ஆனால் கடுமையான காயங்கள் ஏற்பட்டுள்ளதாக அவசர மருத்துவ உதவிப் பிரிவினர் (Paramedics) சிபி24 (CP24) செய்திச் சேவைக்குத் தெரிவித்துள்ளனர்.
இந்த விபத்தின் தாக்கம் காரணமாக ‘லைன் 6’ (Line 6) எல்ஆர்டி (LRT) இலகு ரயில் சேவையின் அல்பியன் (Albion) மற்றும் டன்கன்வுட்ஸ் (Duncanwoods) நிலையங்களுக்கு இடையிலான ரயில் போக்குவரத்து தற்காலிகமாக நிறுத்தப்பட்டுள்ளது. தற்போது அப்பகுதியில் பயணிகளின் வசதிக்காக மாற்று வழியிலான ஷட்டில் பேருந்துகள் (Shuttle buses) இயக்கப்பட்டு வருகின்றன.
