சென்னை:
“தமிழ்நாட்டின் நிதி நிர்வாகம் குறித்து அடிப்படைப் புரிதல் இல்லாமல், முற்றிலும் உண்மைக்குப் புறம்பான தகவல்களைப் புதிதாகப் பொறுப்பேற்றுள்ள தொழில்துறை அமைச்சர் கீர்த்தனா பரப்பி வருகிறார்” என்று முன்னாள் நிதி அமைச்சர் தங்கம் தென்னரசு கடுமையான கண்டனத்தைப் பதிவு செய்துள்ளார்.
கடந்த சில தினங்களுக்கு முன்பு செய்தியாளர்களைச் சந்தித்த தமிழகத் தொழில்துறை அமைச்சர் கீர்த்தனா, “கடந்த ஆட்சியில் (திமுக ஆட்சியில்) இதுவரை 10.50 லட்சம் கோடி ரூபாய் கடன் வாங்கி வைத்துள்ளார்கள். அங்கு என்ன நடந்துள்ளது என்பது முதலில் எங்களுக்குத் தெரிய வேண்டும். உரிய கால அவகாசம் கொடுத்தால் அனைத்தையும் சரி செய்வோம்” என்று பேசியிருந்தார். தவெக அமைச்சரின் இந்தப் பேச்சுக்குத் தற்போது திமுக முன்னாள் அமைச்சர் தங்கம் தென்னரசு தனது எக்ஸ் (ட்விட்டர்) தளப் பக்கத்தில் விரிவான விளக்கத்துடன் கண்டனம் தெரிவித்துள்ளார்.
அவர் வெளியிட்டுள்ள பதிவில், “முற்றிலும் உண்மைக்குப் புறம்பாகவும், மாநிலத்தின் நிதி நிர்வாகம் குறித்தான சாதாரண அடிப்படைப் புரிதல் இல்லாமலும், ‘பத்தரை லட்சம் கோடி எடுத்துட்டு கழுவிட்டுப் போய்ட்டாங்க’ என்று போகிற போக்கில் புழுதி வாரித் தூற்றி, புதிதாக நியமிக்கப்பட்டுள்ள தொழில்துறை அமைச்சர் அவதூறு பரப்புவது வன்மையாகக் கண்டிக்கத்தக்கது. சமூக வலைத்தள ஜோடனைகள் மூலம் கழகத்திற்கு எதிராக ஆதாரமில்லாமல் மக்களிடையே ஒரு மாய பிம்பத்தைக் கட்டமைக்க முயல்வது விஷமத்தனமானது. அரசு நிர்வாகத்தில் உள்ள அனுபவமின்மை காரணமாக, மக்களை ஏமாற்றிக் குழப்பும் வகையில் தமிழ்நாட்டின் நிதி நிலை குறித்து இட்டுக்கட்டிக் கூறுவது அவரது முதிர்ச்சியின்மையைக் காட்டுகிறது” எனச் சாடியுள்ளார்.
மேலும், “அரசு நிர்வாகத்திலும், அமைச்சரவையிலும் பல ஆண்டுகள் அனுபவமிக்கவரான தற்போதைய நிதி அமைச்சர் செங்கோட்டையனும், நிதித்துறைச் செயலாளரும் இடித்துரைத்து, தொழில் துறை அமைச்சரின் கற்பனைக் குதிரைக்குக் கடிவாளம் போட்டு நிறுத்த முன்வருவார்களா? அல்லது பொய்யும், புனைகதைகளும் மிக்க இத்தகைய மலிவான பிரச்சாரங்களுக்குத் துணை போகப் போகிறார்களா?” என்றும் தங்கம் தென்னரசு கேள்வி எழுப்பியுள்ளார். கடன் விவகாரம் தொடர்பாகத் தவெக – திமுக இடையே வெடித்துள்ள இந்த மோதல் தமிழக அரசியலில் பெரும் பரபரப்பை ஏற்படுத்தியுள்ளது.
#ThangamThennarasu #MinisterKeerthana #TNDebtControversy #BreakingNews #May17 #TamilNaduPolitics #DMKvsTVK #Sengottaiyan #FinanceDepartmentTN #IndustryMinisterTN #PoliticalClash #Budget2026 #ThalapathyVijay #TVK_Government #DMK_Opposition #SocialMediaRumors #FinancialUnderstanding #TamilNews #VijayMakkalIyakkam #CM_Vijay_Official_“`
