சென்னை:
அதிமுக செய்தித் தொடர்பாளரும், சிறுபான்மையினர் நலப்பிரிவு இணைச் செயலாளருமான ஜவஹர் அலி, அக்கட்சியிலிருந்து விலகுவதாக அறிவித்துள்ளார். இது தொடர்பாக அதிமுக பொதுச்செயலாளர் எடப்பாடி பழனிசாமிக்கு அவர் கடிதம் அனுப்பியுள்ளார்.
கட்சியிலிருந்து விலகியது குறித்து ஜவஹர் அலி கூறுகையில், “நடந்து முடிந்த சட்டமன்றத் தேர்தலில் சிறுபான்மையினருக்கு ஒரு சீட் கூட எடப்பாடி பழனிசாமி வழங்கவில்லை. ‘முஸ்லிம்கள் அதிமுக-வுக்கு ஓட்டு போடமாட்டார்கள், அப்புறம் ஏன் உங்கள் சமூகத்திற்கு சீட் கொடுக்க வேண்டும்?’ என அவர் கேட்டார். மேலும், அதிமுக வேட்பாளர்களுக்கு முஸ்லிம்களை பூத் ஏஜெண்டுகளாக நியமிக்க வேண்டாம் என்றும் உத்தரவிடப்பட்டிருந்தது.
சமூக நீதிக்காக உருவாக்கப்பட்ட அதிமுக-வை மதவாதிகளிடம் அடகு வைத்ததன் விளைவாக, தலித் சமூகத்தைச் சேர்ந்த திருமாவளவன் தமிழக முதலமைச்சராவதை எடப்பாடி பழனிசாமி தடுத்து நிறுத்தியுள்ளார். உண்மையாக உழைப்பவர்களுக்கு அதிமுக-வில் மரியாதை இல்லை. எனவே, இக்கட்சியில் நீடிக்க விரும்பாமல் விலகுகிறேன்” எனத் தெரிவித்துள்ளார். அதிமுக-வில் ஏற்கனவே உட்கட்சி மோதல் முற்றியுள்ள நிலையில், ஜவஹர் அலியின் இந்த விலகல் மற்றும் குற்றச்சாட்டுகள் எடப்பாடி பழனிசாமி தரப்பிற்குப் பின்னடைவை ஏற்படுத்தியுள்ளது.
#ADMK #JawaharAli #Resignation #EPS #MinorityWelfare #BreakingNews #May15 #TamilNaduPolitics #SocialJustice #AiadmkSplit #Thirumavalavan #PoliticalCrisis #TamilNews #MinorityRights #EdappadiPalaniswami #TN_Election2026 #PoliticalControversy #DalitLeadership #TamilPoliticsUpdate_
