சென்னை:
தவெக அரசுக்கு ஆதரவு தெரிவித்ததற்காக அமமுக-வில் இருந்து நீக்கப்பட்ட மன்னார்குடி எம்.எல்.ஏ. எஸ். காமராஜ், தனது நிலைப்பாட்டில் உறுதியாக இருப்பதாகத் தெரிவித்துள்ளார். இன்று சட்டமன்றத்தில் முதலமைச்சர் விஜய்யைப் புகழ்ந்து பேசியதற்காக அவர் கட்சியிலிருந்து நீக்கப்பட்ட நிலையில், செய்தியாளர்களைச் சந்தித்து விளக்கமளித்தார்.
“சட்டமன்றத்தில் முதலமைச்சரைப் பாராட்டுவது தவறா? என் மீது கட்சி எடுத்த நடவடிக்கை குறித்து எனக்குக் கவலையில்லை. மன்னார்குடி தொகுதி மக்களுக்குத் தேவையான நலத்திட்டங்கள் தடையின்றிச் சென்று சேர வேண்டும் என்பதே எனது லட்சியம். இந்த அரசு 5 ஆண்டுகள் நீடிக்க வேண்டும் என்றுதான் மக்கள் வாக்களித்துள்ளனர். முதலமைச்சர் விஜய் கையெழுத்திட்டுள்ள திட்டங்கள் தமிழகத்திற்குப் பெரும் நன்மையை ஏற்படுத்தும். இளைஞர்களைப் போலவே நானும் முதலமைச்சரை முழுமையாக நம்புகிறேன்” என காமராஜ் தெரிவித்தார்.
நாளை நடைபெறவுள்ள நம்பிக்கை வாக்கெடுப்பிலும் தவெக அரசுக்கு ஆதரவாகவே வாக்களிக்கப் போவதாக அவர் உறுதிபடக் கூறியுள்ளார். முன்னாள் அமைச்சர் டி.ஆர்.பி. ராஜாவை வீழ்த்தி வெற்றி பெற்ற காமராஜ், இப்போது அமமுக-வில் இருந்து நீக்கப்பட்டாலும், தொகுதியின் வளர்ச்சிக்காக முதலமைச்சருடன் கைகோர்த்திருப்பது மன்னார்குடி வட்டாரத்தில் பெரும் பரபரப்பை ஏற்படுத்தியுள்ளது.
#MannargudiMLA #KamrajMLA #AMMK_Crisis #VijayAsCM #TVK_Support #BreakingNews #May12 #TamilNaduPolitics #TNAssenbly #PoliticalShift #ThalapathyVijay #NewGovernmentTN #ConfidenceVote #MannaaiNews #DhinakaranVsVijay #ElectionResults2026 #TamilNews #VictoryForVijay #FortStGeorge #CM_Vijay_Official_“`
