சென்னை:
சித்ரா பவுர்ணமியை முன்னிட்டு திருவண்ணாமலை அருணாச்சலேஸ்வரர் கோவிலில் கிரிவலம் செல்லும் பக்தர்களின் வசதிக்காகத் தமிழ்நாடு அரசுப் போக்குவரத்து கழகம் சார்பில் சிறப்புப் பேருந்துகள் இயக்கப்பட உள்ளன. நாளை மறுநாள் (ஏப்ரல் 30) காலை 9:30 மணி முதல் மே 1-ஆம் தேதி காலை 11:07 மணி வரை சித்ரா பவுர்ணமி திதி நிலவுவதால், லட்சக்கணக்கான பக்தர்கள் திருவண்ணாமலைக்கு வருவார்கள் என எதிர்பார்க்கப்படுகிறது. இதனை முன்னிட்டு ஏப்ரல் 30 முதல் மே 2 வரை சிறப்புப் பேருந்து சேவைகள் திட்டமிடப்பட்டுள்ளன.
அதன்படி, சென்னை கிளாம்பாக்கம் கலைஞர் நூற்றாண்டு பேருந்து முனையத்திலிருந்து மட்டும் ஏப்ரல் 30-ல் 348 பேருந்துகளும், மே 1-ல் 355 பேருந்துகளும், மே 2-ல் 75 பேருந்துகளும் கூடுதலாக இயக்கப்படும். இது தவிர மாதவரத்திலிருந்து 329 பேருந்துகள், அசோக் பில்லரிலிருந்து 105 பேருந்துகள் மற்றும் கோயம்பேட்டிலிருந்தும் பேருந்துகள் இயக்கப்படும். அரசு விரைவுப் போக்குவரத்துக் கழகம் (SETC) சார்பில் இருக்கை மற்றும் படுக்கை வசதி கொண்ட 40 குளிர்சாதனப் பேருந்துகள் கிளாம்பாக்கத்திலிருந்து இயக்கப்படுகின்றன. மேலும் மதுரை, சேலம், கோவை, பெங்களூரு உள்ளிட்ட முக்கிய நகரங்களிலிருந்தும் திருவண்ணாமலைக்குச் சிறப்புப் பேருந்துகள் இயக்கப்பட உள்ளன. பயணிகள் கூட்ட நெரிசலைத் தவிர்க்க www.tnstc.in இணையதளம் மற்றும் மொபைல் ஆப் மூலம் முன்பதிவு செய்து பயணிக்கக் கேட்டுக்கொள்ளப்பட்டுள்ளனர். அனைத்துப் பேருந்து நிலையங்களிலும் பணிகளைக் கண்காணிக்கப் போதிய அலுவலர்கள் நியமிக்கப்பட்டுள்ளதாக மேலாண் இயக்குநர் தெரிவித்துள்ளார்.
#Tiruvannamalai #ChitraPournami #SpecialBus #TNSTC #SETC #KilambakkamBusTerminus #Girivalam #Arunachaleswarar #BreakingNews #TamilNaduGovernment #TravelUpdate #Pilgrimage #ChennaiNews #Madhavaram #AshokPillar #DevoteesGuide #April29
