வெள்ளிக்கிழமை அதிகாலை ஸ்கார்பரோ (Scarborough) பகுதியில் ஏற்பட்ட தீ விபத்தைத் தொடர்ந்து ஒருவர் உயிரிழந்துள்ளார்.
லாரன்ஸ் அவென்யூ கிழக்கு (Lawrence Avenue East) மற்றும் கிங்ஸ்டன் வீதிக்கு (Kingston Road) அருகிலுள்ள மார்லினா டிரைவ் (Marlena Drive) பகுதியில் அமைந்துள்ள வீடொன்றில் காலை 6:30 மணியளவில் இந்தத் தீ விபத்து ஏற்பட்டுள்ளது. (மோர்னிங்சைட் அவென்யூ மற்றும் டான்சிக் தெருவுக்கு அருகில் உள்ள பகுதியில் இச்சம்பவம் இடம்பெற்றுள்ளது).
வீட்டின் அடித்தளத்திலிருந்து (basement) உயிர் அறிகுறிகள் அற்ற நிலையில் ஒருவர் மீட்கப்பட்டதாகவும், அவருக்கு முதலுதவி (resuscitate) அளிக்க முயற்சிகள் மேற்கொள்ளப்பட்டதாகவும் டொரொன்டோ தீயணைப்புப் பிரிவு சி.பி.24 (CP24) ஊடகத்திடம் தெரிவித்துள்ளது.
குறித்த ஆண் மருத்துவமனைக்குக் கொண்டு செல்லப்பட்ட போதிலும், காயங்கள் காரணமாகப் பின்னர் உயிரிழந்ததாகப் பொலிஸார் தெரிவித்துள்ளனர்.
தீ தற்போது கட்டுப்பாட்டுக்குள் கொண்டுவரப்பட்டுள்ள நிலையில், தீயணைப்புப் படையினர் தொடர்ந்தும் சம்பவ இடத்தில் பணியில் ஈடுபட்டுள்ளனர்.
இச்சம்பவத்தில் வேறு எவருக்கும் காயங்கள் ஏற்பட்டதாகத் தகவல்கள் இல்லை.
தீ விபத்திற்கான காரணம் மற்றும் அது எவ்வாறு உருவானது என்பது குறித்து இதுவரை கண்டறியப்படவில்லை.
