சென்னை:
மகளிர் உரிமைத் தொகை வழங்குவதில் ஏற்பட்டுள்ள தாமதம் குறித்து, முதலமைச்சர் விஜய்யை முன்னாள் முதலமைச்சர் மு.க.ஸ்டாலின் மிகக் கடுமையாக விமர்சித்துள்ளார். “மாதம் ரூ.2,500 தருவதாக வாக்குறுதி அளித்துவிட்டு, நடைமுறையில் உள்ள ரூ.1,000-ஐயும் வழங்காமல் இழுத்தடிப்பதுதான் உங்கள் மாற்றமா?” என அவர் கேள்வி எழுப்பியுள்ளார்.
தமிழகத்தில் திமுக ஆட்சியில் கொண்டு வரப்பட்ட ‘கலைஞர் மகளிர் உரிமைத் தொகை’ திட்டத்தின் கீழ் மாதந்தோறும் 15-ஆம் தேதி பயனாளிகளின் கணக்கில் ரூ.1,000 வரவு வைக்கப்பட்டு வந்தது. புதிய அரசு பொறுப்பேற்ற நிலையில், மே மாதத்திற்கான தொகையை வழங்குவதில் கால தாமதம் ஏற்பட்டுள்ளது. இது குறித்து அதிகாரிகளுடன் ஆலோசனை நடத்திய முதலமைச்சர் விஜய், “திட்டத்தை மறுசீரமைப்பு செய்யக் கால அவகாசம் தேவைப்படுவதால், மே மாதத் தொகை விரைவில் வரவு வைக்கப்படும்” எனத் தெரிவித்திருந்தார்.
இதற்குப் பதிலடி கொடுத்துள்ள மு.க.ஸ்டாலின் தனது எக்ஸ் (X) தளப் பதிவில், “ஏற்கனவே நடைமுறையில் உள்ள ஒரு திட்டத்தைத் தொடர எதற்கு அவகாசம்? என்ன மறுசீரமைப்பு செய்யப் போகிறீர்கள்? திராவிட மாடல் திட்டங்கள் தொடரும் எனச் சட்டப்பேரவையில் கூறிவிட்டு, இப்போது மகளிரை ஏமாற்றுவது நியாயமா? ரூ.2,500 தருவோம் எனச் சொல்லிவிட்டு, இருக்கும் ஆயிரம் ரூபாய்க்கும் மகளிரைக் காத்திருக்க வைப்பதுதான் உங்கள் மாற்றமா முதலமைச்சரே?” எனச் சாடியுள்ளார். உரிமைத் தொகை விவகாரம் தவெக மற்றும் திமுக இடையே புதிய அரசியல் மோதலை உருவாக்கியுள்ளது.
#MagalirUrimaiThogai #MKStalin #VijayAsCM #TVK_Government #BreakingNews #May14 #WomenWelfare #TamilNaduPolitics #ElectionPromise #FinancialAid #StalinVsVijay #PoliticalWar #DravidianModel #ThalapathyVijay #NewGovernmentTN #PublicExpectation #SocialJustice #TamilNews #VijayMakkalIyakkam #CM_Vijay_Official_“`
