செப்டம்பர் 12ம் திகதி அனுராதபுரத்தில் இடம்பெற்ற ஸ்ரீலங்கா பொதுஜனபெரமுனவின் கூட்டத்தில் முன்னாள் நாடாளுமன்ற உறுப்பினர் விமல்வீரவன்ச ஆற்றிய உரை நீதிமன்றத்தை அவமதிக்கும் விதத்தில் அமைந்துள்ளதா என்பது குறித்து கண்டறிவதற்காக கொழும்பு மத்திய குற்றப்புலனாய்வு பிரிவு விசாரணைகளை ஆரம்பித்துள்ளது.
இலஞ்ச ஊழல் ஓழிப்பு ஆணைக்குழு செய்த சமர்ப்பிப்புகளை தொடர்ந்தே கொழும்பு பிரதம நீதவான் நீதிமன்றம் பிறப்பித்த உத்தரவுகளின் அடிப்படையில் விசாரணைகள் இடம்பெறுகின்றன.
விமல் வீரவன்சவின் கருத்துக்களை இலஞ்ச ஊழல் விசாரணை ஆணைக்குழு நீதிமன்றத்தின் கவனத்திற்கு கொண்டு சென்றதை தொடர்ந்தே அவரது உரை நீதித்துறைக்கு களங்கத்தை ஏற்படுத்தியுள்ளதா என்பது குறித்து ஆராயுமாறு நீதவான் பொலிஸ்மா அதிபருக்கு உத்தரவிட்டுள்ளார்.
