சென்னை:
தமிழகத்தில் நிலவும் அரசியல் குழப்பங்களுக்கு இடையே, திமுக மற்றும் அதிமுக இணைந்து ஆட்சி அமைக்கப்போவதாக வெளியாகும் தகவல்கள் முற்றிலும் ஆதாரமற்றவை என திமுக எம்பி கனிமொழி தெரிவித்துள்ளார். சென்னையில் செய்தியாளர்களைச் சந்தித்த அவர், ஜனநாயகத்தில் மக்கள் அளித்த தீர்ப்பே இறுதியானது என்றும், அதை அனைவரும் மதிக்க வேண்டும் என்றும் வலியுறுத்தினார்.
தமிழகச் சட்டமன்றத் தேர்தலில் எந்தக் கட்சிக்கும் பெரும்பான்மை கிடைக்காத நிலையில், தவெக தலைவர் விஜய் ஆட்சி அமைக்கத் தீவிர முயற்சி மேற்கொண்டு வருகிறார். அதேவேளையில், திமுக-வின் ஆதரவுடன் அதிமுக ஆட்சியமைக்கப் பேச்சுவார்த்தை நடப்பதாகத் தகவல்கள் பரவின. இது குறித்து ஏஎன்ஐ செய்தி நிறுவனத்திடம் பேசிய திமுக நிர்வாகி டி.கே.எஸ். இளங்கோவன், “திமுகவும் அதிமுகவும் பரம எதிரிகள் என்பதால் இது சாத்தியமில்லை” என ஏற்கனவே மறுத்திருந்தார். தற்போது கனிமொழியும் இந்தத் தகவலை மறுத்துள்ளதோடு, “ஆதாரமற்ற வதந்திகளுக்குப் பதிலளிக்க விரும்பவில்லை” எனத் திட்டவட்டமாகக் கூறியுள்ளார். தவெக-விற்கு ஆதரவு அளிப்பது குறித்து விசிக மற்றும் இடதுசாரிக் கட்சிகள் இன்று இரவு இறுதி முடிவை அறிவிக்க உள்ள நிலையில், கனிமொழியின் இந்த விளக்கம் அரசியல் களத்தில் நிலவும் ஒரு முக்கிய வதந்திக்கு முற்றுப்புள்ளி வைத்துள்ளது.
#Kanimozhi #DMK #ADMK #AllianceRumours #BreakingNews #May8 #TamilNaduPolitics #PublicMandate #Vijay #TVK #MajorityTest #Stalin #EPS #Democracy #TNElectionResults2026 #PoliticalUpdate #NewGovernmentTN #VCK #CPI #CPIM #VijayMakkalIyakkam_“`
