ஸ்ரீலங்கா கிரிக்கெட் நிறுவனம் (SLC), தேசிய பந்துவீச்சு பயிற்சியாளராக ரையன் வான் நீகெர்க் (Ryan van Niekerk) என்பவரையும், தேசிய களத்தடுப்பு மற்றும் சுழற்பந்துவீச்சு பயிற்சியாளராக ஜோர்டான் கிரிகோரி (Jordan Gregory) என்பவரையும் நியமித்துள்ளது.
ரையன் வான் நீகெர்க் இதற்கு முன்னர், 2023 முதல் 2026 வரையான காலப்பகுதியில் நெதர்லாந்து தேசிய அணியின் பந்துவீச்சு பயிற்சியாளராகவும், இடைக்கால தலைமை பயிற்சியாளராகவும் பணியாற்றியுள்ளார். தனது புதிய பொறுப்பில், தேசிய ஆண்கள் அணி உட்பட அனைத்து தேசிய அணிகளினதும் வேகப்பந்துவீச்சு நடவடிக்கைகளை இவர் கண்காணிப்பார்.
இடைக்கால தலைமை பயிற்சியாளராக பொறுப்பேற்பதற்கு முன்னர், நெதர்லாந்து ஆண்கள் அணியின் உதவி பயிற்சியாளராகவும் பந்துவீச்சு பயிற்சியாளராகவும் இவர் பணியாற்றியுள்ளார். இவரது பதவிக்காலத்தில், 2023 ஐசிசி ஆண்கள் உலகக்கிண்ணம், 2024 மற்றும் 2026 ஐசிசி ஆண்கள் இருபதுக்கு-20 உலகக்கிண்ண தொடர்கள் போன்ற முக்கிய சர்வதேச தொடர்களில் நெதர்லாந்து அணி பங்கேற்றிருந்தமை குறிப்பிடத்தக்கது.
ஜோர்டான் கிரிகோரி தேசிய களத்தடுப்பு மற்றும் சுழற்பந்துவீச்சுப் பயிற்சியாளராக நியமிக்கப்பட்டுள்ளவராவார். முன்னர் நெதர்லாந்து கிரிக்கெட் சபையின் களத்தடுப்பு ஆலோசகராக பணியாற்றியுள்ளார். 2023 ஐசிசி ஆண்கள் இருபதுக்கு-20 உலகக்கிண்ணம் உள்ளிட்ட பல இருதரப்பு மற்றும் சர்வதேச தொடர்களில் இவர் தனது பங்களிப்பை வழங்கியுள்ளார்.
தனது புதிய பொறுப்பின் கீழ், உயர்திறன் மையத்தில் உள்ள தேசிய ஆண்கள் அணி உள்ளிட்ட அனைத்து தேசிய அணிகளினதும் களத்தடுப்பு மற்றும் சுழற்பந்துவீச்சுப் பயிற்சிகளை இவர் மேற்பார்வையிடுவார்.
இந்த இரு நியமனங்களும் 2026 ஏப்ரல் 15 ஆம் திகதி முதல் நடைமுறைக்கு வரும் வகையில் இரண்டு ஆண்டுகால பதவிக்காலத்திற்காக வழங்கப்பட்டுள்ளன.
