முறையற்ற வழியில் பெறப்பட்ட கடவுச்சீட்டை (பாஸ்போர்ட்) வைத்திருந்த குற்றத்திற்காக தமக்கு விதிக்கப்பட்ட இரண்டு ஆண்டு சிறைத்தண்டனை மற்றும் அபராதத்தை சவாலுக்கு உட்படுத்தி சஷி வீரவங்ச தாக்கல் செய்திருந்த மேன்முறையீட்டு மனுவை கொழும்பு மேல் நீதிமன்ற நீதிபதி மஞ்சுள திலகரத்ன தள்ளுபடி செய்துள்ளார்.
இந்தத் தீர்ப்பை வழங்கிய நீதிபதி, கொழும்பு நீதவான் நீதிமன்றத்தினால் இதற்கு முன்னர் விதிக்கப்பட்டிருந்த குற்றச்சாட்டு மற்றும் தண்டனையை உறுதி செய்ததுடன், கீழ் நீதிமன்றத்தின் முடிவில் தலையிடுவதற்கு எவ்வித அடிப்படைகளும் இல்லை என்றும் குறிப்பிட்டார்.
சட்டவிரோதமான முறையில் பெறப்பட்ட வெளிநாட்டுக் கடவுச்சீட்டை வைத்திருந்த குற்றச்சாட்டின் கீழ், 2022 ஆம் ஆண்டில் கொழும்பு நீதவான் நீதிமன்றத்தினால் சஷி வீரவங்ச குற்றவாளியாகக் காணப்பட்டார். நீதிமன்றம் அவருக்கு இரண்டு ஆண்டுகள் சிறைத்தண்டனை விதித்ததுடன், 100,000 ரூபாய் அபராதமும் விதித்திருந்தது.
