டொராண்டோவின் கிழக்கு பகுதியில் கடந்த வாரம் காரணமின்றி நடத்தப்பட்ட கொடூரமான தாக்குதல் மற்றும் கொள்ளைச் சம்பவம் தொடர்பாக சந்தேக நபர் ஒருவரைத் தேடி வருவதாக டொராண்டோ காவல்துறை தெரிவித்துள்ளனர்.

விசாரணையாளர்களின் கூற்றுப்படி, ஜூன் 12 அன்று மாலை 5 மணியளவில் டன்டாஸ் ஸ்ட்ரீட் ஈஸ்ட் (Dundas Street East) மற்றும் பிராட்வியூ அவென்யூ (Broadview Avenue) பகுதியில், பாதிக்கப்பட்ட நபர் ஒருவர் தனது வாகனத்தில் இருந்து பொருட்களை இறக்கிக்கொண்டிருந்தார். அப்போது அங்கு வந்த ஒரு நபர், அவர் மீது திடீரென காரணமின்றி தாக்குதல் நடத்தியுள்ளார். பின்னர் அவரிடமிருந்த பொருட்களைக் கொள்ளையடித்துவிட்டு அவ்விடத்தை விட்டு தப்பியோடியுள்ளார்.

இந்தத் தாக்குதலில் படுகாயமடைந்த பாதிக்கப்பட்ட நபர் மருத்துவமனையில் அனுமதிக்கப்பட்டார். எனினும், அவரது உயிருக்கு ஆபத்து ஏதுமில்லை எனத் தெரிவிக்கப்பட்டுள்ளது.

சந்தேக நபரின் அடையாளம்:

• வயது: 25 முதல் 30 வயதிற்குள் இருக்கலாம்.

• உயரம்: சுமார் 6 அடி.

• உடல் எடை: 180 முதல் 190 பவுண்டுகள் (மெலிந்த உடலமைப்பு).

• ஆடை: சம்பவம் நடந்த போது அவர் முழுமையாக கறுப்பு நிற ஆடைகளை அணிந்திருந்தார்.

தற்போது காவல்துறையினர் சந்தேக நபரின் புகைப்படங்களை வெளியிட்டுள்ளனர். இந்தச் சம்பவம் குறித்து ஏதேனும் தகவல் தெரிந்தால், காவல்துறையை 416-808-5500 என்ற எண்ணிலோ அல்லது ‘க்ரைம் ஸ்டாப்பர்ஸ்’ (Crime Stoppers) அமைப்பை 416-222-TIPS (8477) என்ற எண்ணிலோ ரகசியமாகத் தொடர்புகொள்ளுமாறு விசாரணையாளர்கள் கேட்டுக்கொண்டுள்ளனர்