சென்னை
முதலமைச்சர் விஜய்யின் உத்தரவின்படி, சென்னை மாநகராட்சிக்கு உட்பட்ட மெரினா கடற்கரை, பெசன்ட் நகர் கடற்கரை மற்றும் தலைமைச் செயலகப் பூங்கா பகுதிகளில் உள்ள 44 இடங்களில் இலவச வைஃபை (WiFi) வசதி மக்கள் பயன்பாட்டிற்குக் கொண்டு வரப்பட்டுள்ளது.
டிஜிட்டல் சேவைகளை விரிவுபடுத்தும் தமிழக அரசு:
செயற்கை நுண்ணறிவு, தகவல் தொழில்நுட்பம் மற்றும் டிஜிட்டல் சேவைகளின் வளர்ச்சியை ஊக்குவிக்கவும், மக்களுக்கு எளிதாகச் சேவைகளை வழங்கும் வகையிலும் தமிழ்நாடு முதலமைச்சர் ஜோசப் விஜய் திட்டமிட்டுச் செயலாற்றி வருகிறார். இதன் ஒரு பகுதியாக, சென்னையில் மக்கள் அதிகம் கூடும் கடற்கரைப் பகுதிகள் மற்றும் பூங்காக்களில் பொதுமக்கள் தங்குதடையின்றி இணையத்தைப் பயன்படுத்தும் வகையில், உயர்தரத்திலான இலவச வைஃபை வசதியை ஏற்படுத்த நடவடிக்கை எடுக்கப்பட்டுள்ளது.
எந்தெந்த பகுதிகளில் இலவச வைஃபை?:
பயன்பாட்டில் இல்லாத இலவச வைஃபை வசதிகளை மீண்டும் சீரமைத்து, ஆகஸ்ட் 10 முதல் கீழ்க்கண்ட 44 இடங்களில் மக்கள் பயன்பாட்டிற்குக் கொண்டு வரப்பட்டுள்ளது:
-
மெரினா கடற்கரை (உழைப்பாளர் சிலை முதல் கலங்கரை விளக்கம் வரை) – 27 இடங்கள்
-
பெசன்ட் நகர் கடற்கரை – 5 இடங்கள்
-
தலைமைச் செயலகப் பூங்கா – 12 இடங்கள்
வைஃபை வசதியை எவ்வாறு பயன்படுத்துவது?:
-
பொதுமக்கள் தங்கள் செல்போனில் வைஃபை (WiFi) ஆப்ஷனை ‘ஆன்’ (ON) செய்ய வேண்டும்.
-
வைஃபை நெட்வொர்க்கைக் கிளிக் செய்தவுடன் தோன்றும் QR Code-ஐ மீண்டும் கிளிக் செய்ய வேண்டும்.
-
உங்கள் செல்போன் எண்ணிற்கு வரும் OTP எண்ணைப் பதிவு செய்தவுடன் இலவச வைஃபை இணைப்பு உடனடியாகக் கிடைக்கும். இதை மக்கள் முற்றிலும் இலவசமாகப் பயன்படுத்திக் கொள்ளலாம்.
மேலும் பல இடங்களுக்கு விரிவாக்கம்:
இதன் தொடர்ச்சியாக, பொதுமக்கள் அதிகம் கூடும் இதர கடற்கரைப் பகுதிகள், பூங்காக்கள் மற்றும் விளையாட்டுத் திடல்களிலும் பயன்பாட்டில் இல்லாத வைஃபை வசதியை மீண்டும் பயன்பாட்டிற்குக் கொண்டு வரவும், புதிதாக இலவச வைஃபை சேவையை விரிவுபடுத்தவும் தீவிர நடவடிக்கைகள் மேற்கொள்ளப்பட்டு வருவதாகத் தமிழக அரசு செய்திக்குறிப்பில் தெரிவித்துள்ளது.
#FreeWiFiChennai #ChennaiMarinaBeach #BesantNagarBeach #ChiefMinisterVijay #ThalapathyVijay #TVKGovernment #DigitalTamilNadu #TamilNaduNews #ChennaiNews #ViralNewsTN #TrendingTN #LatestNewsTN #TNNewsUpdates
