சென்னை:
தமிழக வெற்றிக் கழகத் தலைவர் விஜய் முதலமைச்சராகப் பதவியேற்பதில் நீடித்து வரும் சிக்கல்களுக்கு, அக்கட்சியின் மூத்த தலைவர் செங்கோட்டையனின் ஆலோசனையை விஜய் ஏற்காததே காரணம் என்ற தகவல் அரசியல் வட்டாரத்தில் தீயாய் பரவி வருகிறது. 108 இடங்களைப் பெற்றுத் தனிப்பெரும் கட்சியாக உருவெடுத்த தவெக, ஆட்சியமைக்க உரிமை கோரிய போது செய்த ஒரு நுட்பமான அரசியல் தவறு தற்போது விஜய்க்குப் பெரும் தலைவலியாக மாறியுள்ளது.
அரசியலில் 10 முறை எம்.எல்.ஏ-வாகப் பதவி வகித்த அனுபவம் கொண்ட செங்கோட்டையன், “தவெக 108 இடங்களில் வென்றுள்ளதால், தனிப்பெரும் கட்சி என்ற அடிப்படையில் மட்டும் ஆட்சியமைக்க உரிமை கோர வேண்டும்; அதன் பிறகு சட்டசபையில் பெரும்பான்மையை நிரூபித்துக் கொள்ளலாம்” என விஜய்க்கு ஆலோசனை வழங்கியுள்ளார். ஆனால், அனுபவம் குறைந்த சில இளம் நிர்வாகிகளின் பேச்சைக் கேட்ட விஜய், காங்கிரஸ் கட்சியின் 5 எம்.எல்.ஏ-க்களின் ஆதரவு கடிதத்தையும் சேர்த்து ஆளுநரிடம் வழங்கியுள்ளார். இதனால், இது தனிப்பெரும் கட்சி கோரும் உரிமையாக இல்லாமல், ‘கூட்டணி ஆட்சி’ கோரும் உரிமையாக ஆளுநரால் பார்க்கப்பட்டது. “கூட்டணி ஆட்சி என்றால் 118 இடங்கள் எங்கே?” என ஆளுநர் அர்லேகர் கேள்வி எழுப்பியதோடு, மீதமுள்ள ஆதரவை நிரூபித்தால் மட்டுமே பதவியேற்க அழைக்க முடியும் என ‘செக்’ வைத்துள்ளார். மூத்த தலைவர் செங்கோட்டையனின் அனுபவத்தைப் பயன்படுத்தத் தவறியதால், மெஜாரிட்டிக்கு இன்னும் 5 இடங்கள் தேவைப்படும் இக்கட்டான சூழலில் விஜய் தவித்து வருவதாக அரசியல் விமர்சகர்கள் கருதுகின்றனர்.
#Vijay #Sengottaiyan #TVK #PoliticalMistake #BreakingNews #May8 #TamilNaduPolitics #GovernorArlekar #MajorityTest #ThalapathyVijay #VijayAsCM #PoliticalStrategy #ExperienceVsYouth #TNElectionResults2026 #StalinVsVijay #EPS #NewGovernmentTN #AssemblyUpdate #DravidianPolitics #VijayMakkalIyakkam_“`
