மனித உரிமைகளுக்கான உயர்ஸ்தானிகர் அலுவலகத்தால் (OHCHR) நிறுவப்பட்ட விசாரணை பொறிமுறையின் காரணமாக, உலகளாவிய அதிகார வரம்பு (universal jurisdiction) என்ற கோட்பாட்டின் அடிப்படையில், இலங்கையின் இராணுவத் தலைவர்கள் வெளிநாடுகளின் தேசிய நீதிமன்றங்களால் கைது செய்யப்பட்டு விசாரிக்கப்படும் ஆபத்து நிலவுவதாக இணைந்த எதிர்க்கட்சி (Joint Opposition)  எச்சரித்துள்ளது.

வாராந்த ஊடகவியலாளர் சந்திப்பின் போது கருத்து தெரிவித்த அதன் அழைப்பாளர் பேராசிரியர் ஜி.எல். பீரிஸ், இந்த சிறப்பு விசாரணை அமைப்பின் அதிகாரிகள் பல நாடுகளுக்கு விஜயம் செய்து இலங்கையின் இராணுவத் தலைவர்களுக்கு எதிராகக் தீவிர குற்றச்சாட்டுகளின் கீழ் ஆதாரங்களைச் சேகரித்துள்ளதாகத் தெரிவித்தார்.

அவர் மேலும் தெரிவிக்கையில், அந்த ஆதாரங்கள் தற்போது செயலாக்கப்பட்டு வருகின்றன என்றார்.

“அவர்களால் 470 மூலங்களிலிருந்து 96,215 ஆதாரங்களைச் சேகரிக்க முடிந்துள்ளது. அவர்களின் தகவலின்படி, 220 சாட்சிகளும் 250 நிறுவனங்களும் உள்ளன” என்று அவர் கூறினார்.

இவ்வாறான பின்னணியில், இலங்கையின் இராணுவத் தலைவர்கள் விடுமுறைக்காகவோ, மருத்துவ நோக்கங்களுக்காகவோ அல்லது தமது பிள்ளைகளின் கல்வித் தேவைகளைக் கவனிப்பதற்காகவோ வெளிநாடுகளுக்குச் செல்லும் போதெல்லாம், உலகளாவிய அதிகார வரம்புக் கோட்பாட்டைப் பயன்படுத்தி, வெவ்வேறு நாடுகளில் கைது செய்யப்பட்டு, விசாரணைக்கு உட்படுத்தப்பட்டு, சிறையில் அடைக்கப்படும் அபாயம் உள்ளதாக அவர் சுட்டிக்காட்டினார்.

தான் பிரதிநிதித்துவப்படுத்திய முந்தைய அரசாங்கங்கள், இலங்கையர்களின் வழக்குகளை விசாரிப்பதில் வெளிநாடுகளின் தலையீட்டை முற்றிலும் நிராகரித்ததாக அவர் குறிப்பிட்டார். அன்றைய அரசாங்கம் சர்வதேச அளவில் போற்றத்தக்க நீதித்துறை இலங்கையில் இருப்பதை உறுதி செய்ததாக அவர் தெரிவித்தார்.

“அது எங்களுக்கு ஒரு பலமாக இருந்தது. எனவேதான், வெளிநாட்டு நீதிமன்றங்களின் தலையீட்டுக்கு எதிராக நாங்கள் வாதிட்டோம்,” என்று அவர் கூறினார்.

நீதிபதிகளின் ஓய்வுபெறும் வயதை அதிகரிப்பதற்கான அரசாங்கத்தின் திட்டம் குறித்துக் குறிப்பிட்ட அவர், இதற்கு சிவில் சமூகம், இலங்கை சட்டத்தரணிகள் சங்கம், கல்வியாளர்கள் மற்றும் பிற தரப்பினரிடமிருந்து பரவலான எதிர்ப்பு கிளம்பியுள்ளதாகத் தெரிவித்தார்.

மேல் நீதிமன்றங்களில் உள்ள வெற்றிடங்களை நிரப்பத் தவறியமை குறித்து கருத்து தெரிவித்த அவர், இதன் காரணமாக வழக்குகள் தேங்கி நீதி வழங்குவதில் தாமதம் ஏற்பட்டுள்ளதாகக் கூறினார். முன்னதாக, நீதிபதிகளின் எண்ணிக்கையை அதிகரிப்பதற்காக முந்தைய அரசாங்கங்களால் அரசியல் அமைப்பு திருத்தப்பட்டது. இருப்பினும், இன்று வெற்றிடங்கள் நிரப்பப்படுவதில்லை. இந்த நடவடிக்கைக்கு பின்னால் நிறைவேற்று அதிகாரத்திற்கு ஏதேனும் மறைமுக நிகழ்ச்சி நிரல் உள்ளதா? இந்த வெற்றிடங்களை நிரப்புவது நிறைவேற்று அதிகாரத்தின் கடமையாகும். இது இலங்கை நீதித்துறையின் புகழுக்குக் களங்கம் விளைவிக்கும். ஐக்கிய நாடுகள் மனித உரிமைகள் பேரவையின் அடுத்த கூட்டத்தொடர் இந்த ஆண்டு செப்டம்பர் மாதம் நடைபெறவுள்ளது. எனவே, தனது சுயநலன்களைப் பூர்த்தி செய்வதற்கான அரசாங்கத்தின் முயற்சியால் இலங்கை எதிர்மறையான விளைவுகளைச் சந்திக்க நேரிடும் என்றும் பேராசிரியர் பீரிஸ் ஊடகவியலாளர் சந்திப்பில் தெரிவித்தார்.

இந்த விவகாரத்தில் அரசாங்கத்தின் தரப்பில் நிச்சயமற்ற தன்மை நிலவுகிறது. இவ்வாறானதொரு நடவடிக்கையை நடைமுறைப்படுத்துவதற்கு ஒன்றரை வருடங்களுக்கும் மேலாகும். அவர்கள் பொதுமக்கள் மற்றும் பல்வேறு குழுக்களிடம் முன்மொழிவுகளை வழங்கி அவர்களின் கருத்துக்களைச் சேகரிக்கின்றனர். நீதிபதிகளின் ஓய்வுபெறும் வயதை நீடிக்கும் இத்தகைய நடவடிக்கைக்காக 18 மாதங்களுக்குள் 1,200 பதில்கள் கிடைத்துள்ளன. ஆனால் இலங்கையில் இத்தகையதொரு முன்னேற்றத்தை நாம் காணவில்லை. அரசாங்கத்தின் இந்த நடவடிக்கை குறித்து எவருக்கும் தெரியாது.

ஓய்வுபெறும் வயதை அதிகரிப்பது நீதிபதிகளுக்கு மட்டும் கட்டுப்பட்டதாக இருக்க முடியாது; விசேட வைத்தியர்கள் மற்றும் கல்வியாளர்கள் உட்பட ஏனையோருக்கும் இது நீட்டிக்கப்பட வேண்டும். இவ்விடயம் தொடர்பில் பல்வேறு கருத்துக்கள் தெரிவிக்கப்பட்டு வருகின்றன. ஆனால் ஒரு விஷயம் குறித்து எந்தக் கருத்தும் தெரிவிக்கப்படவில்லை. அந்த விஷயத்தில்தான் நான் இப்போது கவனம் செலுத்தப் போகிறேன்