தவெக தலைவர் விஜய் பெரம்பூர் தொகுதியில் போட்டியிடுவது குறித்து கமல் ஹாசன் அளித்த பதில் சூப்பர் ஸ்டார் ரசிகர்களுக்கு மிகவும் பிடித்துவிட்டது. ஆனால் விஜய் ரசிகர்களோ கமலை விளாசிக் கொண்டிருக்கிறார்கள்.
கமல் பதில்: அரசியல் கட்சி நடத்தி வரும் விஜய் வரும் ஏப்ரல் மாதம் நடக்கும் தமிழக சட்டசபை தேர்தலில் போட்டியிடுகிறார். அவர் முதல் முறையாக போட்டியிடும் இந்த தேர்தலில் தவெக அமோக வெற்றி பெற்று முதல்வர் நாற்காலியில் அமர்வார் விஜய் என்று அவரின் ரசிகர்கள் கூறி வருகிறார்கள். இந்நிலையில் விமான நிலையத்திற்கு வந்த விண்வெளி நாயகன் கமல் ஹாசன் அங்கிருந்த செய்தியாளர்களை சந்தித்து பேசினார். அவர்கள் கேட்ட கேள்விகளுக்கு பதில் அளித்தார். அதில் விஜய் பற்றிய கேள்விக்கு கமல் அளித்தது தான் தக்லைஃப் பதில் என சினிமா ரசிகர்கள் கூறுகிறார்கள்.
நெல்சன் திலீப்குமார் இயக்கத்தில் உருவாகவிருக்கும் படத்தில் ரஜினிகாந்த் மற்றும் கமல் ஹாசன் சேர்ந்து நடிப்பது அனைவருக்கும் தெரியும். இந்நிலையில் அந்த பட வேலை எந்த நிலையில் இருக்கிறது என்று கேட்டதற்கு கமல் கூறியதாவது, தேர்தல் முடிந்த பிறகு தான் ஆரம்பிக்க வேண்டும். எனக்கு வேலை இருக்கு என்றார்.
தவெக தலைவர் விஜய் பெரம்பூரில் போட்டியிடுவதாக சொல்கிறார்.அதை நீங்கள் எப்படி பார்க்கிறீர்கள் என்று செய்தியாளர் ஒருவர் கேட்டார். நான் ஏன் அதை பார்த்துக் கொண்டிருக்கணும், எனக்கு வேலை உள்ளது. அதை நான் பார்த்துக்கிட்டு இருக்கிறதுக்கு என்றார்.
கமல் பதிலுக்கு வரவேற்பும், விமர்சனமும்: விஜய் எங்கு போட்டியிட்டால் எனக்கென்ன?. அதை பார்ப்பது தான் என் வேலையா என கேட்டுவிட்டார் கமல் ஹாசன். தன் நண்பர் ரஜினிகாந்தை தவெக நிர்வாகி ஆதவ் அர்ஜுனா விமர்சித்ததை மனதில் வைத்து தான் பொளந்துகட்டிவிட்டார் கமல். நட்புனா சும்மாவா?. சினிமா லெஜண்டுகளின் ஆதரவு விஜய்க்கு இல்லை என்பது மட்டும் தெளிவாக தெரிகிறது என்று சினிமா ரசிகர்கள் பேசி வருகிறார்கள். இதுவே தலைவன் விமலிடம் கேள்வி கேட்டிருந்தால், விஜய் பெரம்பூரில் போட்டியிடுவதை எப்படி பார்க்கிறீங்களா, கண்ணால தான் பார்க்கிறேன் என கூறியிருப்பார் என சில ரசிகர்கள் தெரிவித்திருக்கிறார்கள்.
உங்களுக்கு என்ன வேலை இருக்கிறது என்று எங்களுக்கு தெரியும். அண்ணனை பார்த்து பயந்துவிட்டீர்கள் கமல் என்கிறார்கள் விஜய் ரசிகர்கள். திமுக மிரட்டியதை அடுத்து பயந்து போய் அரசியலுக்கு வராமல் பின் வாங்கிவிட்டார் ரஜினிகாந்த். ஆனால் விஜய் அப்படி இல்லை. அவருக்கு அதிக மனவலிமை இருக்கிறது என்றார் ஆதவ் அர்ஜுனா.
அவரின் பேச்சுக்கு அரசியல் கட்சி தலைவர்கள் முதல் பலரும் கண்டனம் தெரிவித்தார்கள். தனக்காக குரல் கொடுத்த அனைவருக்கும் நன்றி தெரிவித்து காலம் பேசாது ஆனால் காத்திருந்து பதில் சொல்லும் என அறிக்கை வெளியிட்டார் ரஜினிகாந்த் என்பது குறிப்பிடத்தக்கது.
ரஜினிகாந்த் தான் எனக்கு முதலில் முக்கியம் என்று விஜய் பற்றிய கேள்விக்கு அப்படி பதில் சொல்லிவிட்டார் கமல் என்று ரசிகர்கள் நம்புகிறார்கள். இதற்கிடையே மும்பையில் நடந்த அட்லி மனைவி ப்ரியாவின் வளைகாப்பு நிகழ்ச்சியில் கலந்து கொண்டார் விஜய்.
என்ன தான் தேர்தல் வேலை தலைக்கு மேல் இருந்தாலும் தனக்கு வெற்றிப் படங்களை கொடுத்த அட்லிக்காக மும்பை வரை சென்று வளைகாப்பு நிகழ்ச்சியில் கலந்து கொண்ட அண்ணனின் மனசே மனசு என்று விஜய் ரசிகர்கள் பெருமையாக பேசி வருகிறார்கள். ப்ரியா அட்லி வளைகாப்பு நிகழ்ச்சிக்கு சென்றபோது எடுக்கப்பட்ட வீடியோ வெளியாகியிருக்கிறது.
