சென்னை:
அதிமுகவில் நிலவி வரும் உச்சக்கட்ட மோதலுக்கு இடையே, முன்னாள் அமைச்சர் எஸ்.பி.வேலுமணி தனது எக்ஸ் (X) பக்கத்தில் எடப்பாடி பழனிசாமிக்கு உருக்கமான மற்றும் அதிரடியான பதில் ஒன்றை அளித்துள்ளார். “இப்போதும் நீங்கள் அழைத்தால் பேச நாங்கள் தயார்” என அவர் சமரசத் தூது விட்டுள்ளார்.
தனது பதிவில் வேலுமணி கூறுகையில், “எடப்பாடியார் தனது உழைப்பை யாரும் குறைத்து மதிப்பிடவில்லை. ஆனால், கூட்டணி மற்றும் தேர்தல் செயல்பாடுகளில் தன்னிச்சையாக முடிவெடுத்ததுதான் தோல்விக்குக் காரணம். தோல்விக்குப் பிறகு ஒரு தலைமை இறங்கி வந்து அனைவரிடமும் பேசியிருக்க வேண்டும். அதை விடுத்து ‘நான் மட்டுமே எல்லாம்’ என்று செயல்படுவதை ஒருபோதும் ஏற்க முடியாது. மக்கள் ஆதரவு பெற்ற தவெக அரசுக்கு ஆதரவு அளித்தது அரசியல் அறமே தவிர, கழகத்தைப் பிரிக்கும் எண்ணம் எங்களுக்கு இல்லை” எனத் தெரிவித்துள்ளார்.
மேலும், எடப்பாடியின் அறிக்கைக்குப் பதிலடியாக, “போங்க போங்க என்று எப்போதும் போல விரட்டி அடிக்காமல், வாங்க வாங்க என்று ஒருமுறை அன்போடு அழைத்து பாருங்கள்.. அப்போது தெரியும் உண்மை நிலை! எல்லாமே மாறும், கட்சி நல்லா இருக்கும். தோல்விக்கான காரணங்களை அனைவரும் ஒன்றாக அமர்ந்து ஆராய்வோம்” என அவர் குறிப்பிட்டுள்ளார். வேலுமணியின் இந்த “வாங்க வாங்க” அழைப்பு, அதிமுகவின் அதிகாரப் போட்டியில் ஒரு புதிய திருப்பத்தை ஏற்படுத்தியுள்ளது.
#SPVelumani #EPS #ADMK_Crisis #AiadmkSplit #BreakingNews #May15 #TamilNaduPolitics #PoliticalCrisis #UnityCall #EdappadiPalaniswami #ThalapathyVijay #TVK_Support #PartyLeadership #TamilNews #ADMK_Update #SaveADMK #PoliticalWar #CoimbatorePolitics #LegacyOfMGR #CM_Vijay_Official_“`
