ஃபேர்பேங்க் (Fairbank) குடியிருப்பில் மோட்டார் சைக்கிள் ஒன்றும் எஸ்யூவி ரக வாகனம் ஒன்றும் மோதி ஏற்பட்ட விபத்தில் இருவர் பலத்த காயமடைந்துள்ளனர்.
டஃபெரின் வீதிக்கு (Dufferin Street) மேற்கே உள்ள எக்லிண்டன் அவென்யூ வெஸ்ட் (Eglinton Avenue West) மற்றும் என்னர்டேல் வீதி (Ennerdale Road) பகுதியில் ஏற்பட்ட விபத்து குறித்து இரவு 8:21 மணிக்குத் தங்களுக்குத் தகவல் கிடைத்ததாக டொராண்டோ பொலிஸார் தெரிவித்துள்ளனர்.
மோட்டார் சைக்கிளில் பயணித்த 20 வயது மதிக்கத்தக்க ஒரு ஆணும் ஒரு பெண்ணும் பலத்த காயங்களுடன் வைத்தியசாலைக்குக் கொண்டு செல்லப்பட்டுள்ளதாகப் பொலிஸார் தெரிவித்துள்ளனர். எனினும், இவர்களின் காயங்கள் உயிருக்கு ஆபத்தானவை அல்ல என்றும் அவர்கள் குறிப்பிட்டுள்ளனர்.
எஸ்யூவி வாகனத்தின் ஓட்டுநர் சம்பவ இடத்திலேயே தங்கியிருந்ததாகப் பொலிஸார் தெரிவித்துள்ளனர். விபத்துக்கான காரணம் குறித்து புலனாய்வு விசாரணைகள் முன்னெடுக்கப்பட்டு வருகின்றன.
