சென்னை,
தமிழக சட்டசபை தேர்தலுக்கான இறுதிக்கட்ட ஏற்பாடுகள் முழுவீச்சில் நடைபெற்று வரும் நிலையில், நாளை (ஏப்ரல் 23, வியாழக்கிழமை) காலை 7 மணி முதல் மாலை 6 மணி வரை வாக்குப்பதிவு நடைபெறவுள்ளது. தமிழகம் முழுவதும் உள்ள 234 தொகுதிகளுக்கும் ஒரே கட்டமாகத் தேர்தல் நடத்தப்பட உள்ளது.
இந்தத் தேர்தலில் 5.73 கோடி வாக்காளர்கள் வாக்களிக்கத் தகுதி பெற்றுள்ளனர். இவர்களுக்காக மாநிலம் முழுவதும் 75,064 வாக்குச்சாவடிகள் அமைக்கப்பட்டுள்ளன. இதில் 4,938 வாக்குச்சாவடிகள் பதற்றமானவை எனக் கண்டறியப்பட்டு, அங்கு கூடுதல் பாதுகாப்பு மற்றும் வெப்-காஸ்டிங் (Web-casting) வசதிகள் செய்யப்பட்டுள்ளன. வாக்குப்பதிவு இயந்திரங்கள் அனைத்தும் ஜிபிஎஸ் (GPS) பொருத்தப்பட்ட வாகனங்கள் மூலம் பலத்த பாதுகாப்புடன் வாக்குச்சாவடி மையங்களுக்குக் கொண்டு செல்லும் பணி இன்று காலை முதல் தொடங்கி நடைபெற்று வருகிறது.
பாதுகாப்புப் பணியில் காவல்துறை, தீயணைப்புத் துறை மற்றும் வனத்துறையைச் சேர்ந்த 1.47 லட்சம் வீரர்கள் ஈடுபடுத்தப்பட்டுள்ளனர். இதுதவிர, துணை ராணுவப் படையினரும் பாதுகாப்புப் பணியில் இணைந்துள்ளனர். 514 வாகனங்களில் அதிரடிப்படை வீரர்கள் மாநிலம் முழுவதும் ரோந்துப் பணியில் ஈடுபட உள்ளனர். திமுக, அதிமுக, தவெக, நாம் தமிழர் என நான்கு முனைப் போட்டி நிலவும் இந்த ஜனநாயகத் திருவிழாவில், மக்கள் தங்களது வாக்குகளைப் பதிவு செய்யத் தயார் நிலையில் உள்ளனர்.
#TNElection2026 #VoteForTamilNadu #TamilNaduElections #VotingDay #Democracy #ElectionSecurity #ChennaiPolitics #ADMK #DMK #TVK #NTK #April23 #ElectionUpdate #TamilPolitics #VoteReady #TNAssemblyElection #PollingStation #VoterID #DemocracyFestival #BreakingNews
