சென்னை:
தமிழகத்தில் நிலவும் அரசியல் இழுபறிக்கு இடையே, தமிழக வெற்றிக் கழகம் (TVK) ஆட்சியமைக்க காங்கிரஸ் கட்சி தனது அதிகாரப்பூர்வமான முழு ஆதரவை வழங்கியுள்ளது. தவெக தலைவர் விஜய்யை இன்று நேரில் சந்தித்த காங்கிரஸ் முக்கிய நிர்வாகிகள், அக்கட்சியின் ஆதரவு கடிதத்தை வழங்கினர். இதன் மூலம் 107 எம்.எல்.ஏ-க்களைக் கொண்டுள்ள விஜய்யின் பலம் 112-ஆக உயர்ந்துள்ளது (விஜய் ஒரு தொகுதியை ராஜினாமா செய்துள்ள நிலையில்).
இந்த நிலையில், தவெக அமைச்சரவையில் காங்கிரஸ் கட்சிக்கு இடமளிக்க விஜய் சம்மதம் தெரிவித்துள்ளதாகக் கூறப்படுகிறது. தமிழக வெற்றிக் கழக அமைச்சரவையில் காங்கிரஸின் 5 எம்.எல்.ஏ-க்களில் யாருக்கு அமைச்சர் பதவி வழங்குவது? மற்றும் எந்த இலாகாக்களை ஒதுக்குவது? என்பது குறித்து இருதரப்பு நிர்வாகிகளும் தீவிர ஆலோசனையில் ஈடுபட்டுள்ளனர். இன்று மாலை 3.30 மணிக்கு ஆளுநர் ராஜேந்திர விஸ்வநாத் அர்லேகரைச் சந்தித்து விஜய் ஆட்சி அமைக்க உரிமை கோரவுள்ள நிலையில், காங்கிரஸின் இந்த ஆதரவு அவருக்குப் பெரும் பலமாக அமைந்துள்ளது. திமுக கூட்டணியில் இருந்து விலகி தவெக-விற்கு காங்கிரஸ் ஆதரவு அளித்துள்ளது தமிழக அரசியலில் மிகப்பெரிய திருப்புமுனையாகப் பார்க்கப்படுகிறது.
#CongressSupport #Vijay #TVK_Congress_Alliance #BreakingNews #May6 #TamilNaduPolitics #NewCabinet #PortfolioTalks #VijayAsCM #ThalapathyVijay #GovernorMeeting #MajorityTest #ElectionResults2026 #StalinVsVijay #NewEraTN #May7SwearingIn #CongressIndia #TNCabinet #PoliticalStrategy #VijayMakkalIyakkam_
