டொராண்டோ மேயர் வேட்பாளரும் தொழில்முறை பொறியாளருமான டாக்டர் பஹிரா அப்துல்சலாம் (Dr. Bahira Abdulsalam), இஸ்ரேல்-ஹமாஸ் போர் மற்றும் உள்நாட்டு சமூகப் பிரச்சினைகள் தொடர்பாக இணையத்தில் வெளியிட்ட கருத்துகள் குறித்து, ‘ஒன்டாரியோ தொழில்முறை பொறியாளர்கள்’ (Professional Engineers Ontario – PEO) ஒழுங்குக் குழுவின் முன் ஒழுங்கு நடவடிக்கையை மேற்கொண்டிருக்கின்றார்கள்.
அக்டோபர் 7, 2023 அன்று நடந்த தாக்குதல்களைப் பாராட்டும் வகையில் அப்துல்சலாம் பல சமூக ஊடகப் பதிவுகளை வெளியிட்டதாகக் கூறி, ‘கனடிய யூத எதிர்ப்பு தயாரிப்பு அறக்கட்டளை’ (Canadian Antisemitism Education Foundation – CAEF) குழுவுக்கு அளித்த புகாரைத் தொடர்ந்து இந்த ஒழுங்குமுறை விசாரணை நடவடிக்கை தொடங்கப்பட்டுள்ளது.
CAEF வாரிய உறுப்பினர் மைக்கேல் டேப்பர் (Michael Teper), டொராண்டோ மாவட்டப் பள்ளி வாரியத்திற்கும் (Toronto District School Board) ஒரு புகார்க் கடிதம் எழுதியுள்ளார். இதில் அப்துல்சலாம் பெற்றோர் பங்களிப்பு ஆலோசனைக் குழுவின் உறுப்பினராக இருந்தார் என்பது குறிப்பிடத்தக்கது. நவம்பர் 2023-இல் அப்துல்சலாம் வெளியிட்ட சமூக ஊடகப் பதிவுகளை டேப்பர் சுட்டிக்காட்டியுள்ளார். அதில், இஸ்ரேலியர்கள் பாலஸ்தீனர்களிடமிருந்து உறுப்புகளையும் உடல்களையும் திருடுவதாக அப்துல்சலாம் குற்றம் சாட்டியிருந்தார்.
