சென்னை
தமிழ்நாட்டில் ஆன்லைனில் மதுபானங்கள் விற்பனை செய்யப்பட உள்ளதாகப் பரவிய தகவல்களுக்கு, மதுவிலக்குத்துறை அமைச்சர் விக்னேஷ் சென்னை தலைமைச் செயலகத்தில் திட்டவட்டமான விளக்கங்களை அளித்துள்ளார்! “ஆன்லைனில் நேரடியாக மதுபானம் விற்பனை செய்யப்படுகிறது என்பது முற்றிலும் தவறான தகவல். ஆன்லைனில் மதுவை முன்பதிவு மட்டுமே செய்ய முடியும்; கடைகளுக்கு நேரில் சென்றுதான் மதுபானங்களை வாங்க முடியும்” என அவர் அதிரடியாகத் தெளிவுபடுத்தியுள்ளார்.
இந்த ஆன்லைன் முன்பதிவு முறை தற்போது சோதனை நிலையில் மட்டுமே உள்ளதாகக் குறிப்பிட்ட அமைச்சர், “டாஸ்மாக் கடைகளில் மதுபாட்டிலுக்குக் கூடுதலாக 10 ரூபாய் வசூலிக்கப்படும் நீண்டகால ஊழலைத் தடுக்கவே இந்தப் புதிய திட்டம் கொண்டுவரப்படுகிறது. பாட்டிலுக்கு 10 ரூபாய் கூடுதல் வசூல் என்பது கடந்த 2011 ஆம் ஆண்டு முதலே இருந்து வரும் ஒரு மாபெரும் அவலமாகும். இதனை முற்றிலும் ஒழித்துக்கட்டி, அனைத்து நிறுவனங்களின் மதுபானங்களும் தங்கு தடையின்றிப் பொதுமக்களுக்குக் கிடைக்க உரிய ஏற்பாடு செய்யப்பட்டுள்ளது” என விளக்கமளித்தார்.
மேலும், “மதுபான விற்பனை மூலம் அரசுக்குக் கூடுதலாக வருவாயைப் பெருக்கும் நோக்கம் எங்களுக்குத் துளியும் இல்லை. மதுபானங்களின் விலை நிச்சயமாக உயராது. ஊழலைத் தடுத்து நிறுத்தியதாலேயே தற்போது அரசின் வருமானம் பெருமளவு அதிகரித்துள்ளது. டாஸ்மாக் மதுக்கூடங்களின் (Bars) தற்போதைய அவல நிலை விரைவில் முழுமையாக மாற்றப்படும்; பொதுமக்களுக்கு இடையூறாக உள்ள அனைத்து மதுக்கடைகளும் உடனடியாக இடமாற்றம் செய்யப்படும்” என அமைச்சர் விக்னேஷ் அதிரடியாக உறுதியளித்துள்ளார்!
#TASMAC #OnlineLiquor #MinisterVignesh #TVKGovernment #ThalapathyVijay #TamilNaduPolitics #TNPolitics #Chennai #TasmacBar #TamilNews #ViralNews #LatestNewsTN #TrendingTN #TNNews #LiquorPolicy
