அல்பேர்ட்டா மக்கள் கனடாவை தெரிவு செய்துள்ளனர் என பிரதமர் மார்க் கார்னி தெரிவித்துள்ளார்.
சுதந்திரம் குறித்த சர்வஜனவாக்கெடுப்பில் அவர்கள் தெளிவாக முடிவெடுத்துள்ளனர், அவர்கள் ஐக்கியம் ஒன்றிணைந்து கட்டியெழுப்புதல்,ஒருவரின் நலனில் மற்றவர் அக்கறை கொள்ளுதல் போன்றவற்றை தெரிவு செய்துள்ளனர் அனைத்திற்கும் மேலாக அவர்கள் கனடாவை தெரிவு செய்துள்ளனர் என பிரதமர் கார்னி தெரிவித்துள்ளார்.
அனைத்து கேள்விகளுக்குமான பதில்கள் தொடர்ந்தும் எண்ணப்பட்டுவரும் வேளையில் பிரிவினை குறித்த இன்றைய இரவின் கேள்விக்கான முடிவுகள் அல்பேர்ட்டா மக்களும் அனைத்துகனடா மக்களும் புதுப்பிக்கப்பட்ட நோக்கம்,மற்றும் உயர்ந்த இலட்சியத்துடன் முன்னோக்கி செல்வார்கள் என்பதை காட்டுகி;ன்றது என பிரதமர் மார்க் கார்னி தெரிவித்துள்ளார்
எப்போதையும் விடப் பெரிதாகவும் வேகமாகவும் அந்த எதிர்காலத்தை நாம் கட்டியெழுப்பி வருகிறோம். கனடா உலகம் முழுவதும் புதிய வர்த்தகப் பங்காளிகளைப் பெறுகிறது, நாட்டின் ஒவ்வொரு பகுதியிலும் முக்கிய தேசியக் கட்டமைப்புத் திட்டங்களை விரைவுபடுத்துகிறது, மேலும் ஆல்பர்ட்டாவை மையமாகக் கொண்டு உலகளாவிய எரிசக்தி வல்லரசாக நமது முழுத் திறனையும் வெளிப்படுத்துகிறது.
கனடா என்பது அதன் தனித்தனிப் பகுதிகளின் கூட்டுத்தொகையை விட மிகவும் பெரியது. இப்போது கனடியர்களாக நமக்கு வழங்கப்பட்ட அனைத்தையும் – உலகிலேயே மிகச்சிறந்த ஒரு நாடு நமக்கு வழங்கப்பட்டுள்ளது – பயன்படுத்தி, நமது நாட்டை நம் அனைவருக்கும் சிறந்ததாக மாற்றுவதற்கான வாய்ப்பு நமக்குக் கிடைத்துள்ளது.”என பிரதமர் கார்னி தெரிவித்துள்ளார்.
