ஓமன் வளைகுடாவில் ஞாயிற்றுக்கிழமை அன்று ஈரானியக் கொடியுடன் சென்ற சரக்குக் கப்பல் மீது அமெரிக்கப் படைகள் துப்பாக்கிச் சூடு நடத்தி, அதைக் கைப்பற்றியதைத் தொடர்ந்து, அதற்குத் தான் பதிலடி கொடுக்கப் போவதாக ஈரானிய இராணுவம் எச்சரித்துள்ளது.
ஈரானின் அரசு ஒளிபரப்புச் சேவையான IRIB தனது டெலிகிராம் பக்கத்தில் வெளியிட்டுள்ள செய்தியின்படி, “ஆக்கிரமிப்பு அமெரிக்காவானது, போர்நிறுத்தத்தை மீறி, கடல்வழி வழிப்பறியில் ஈடுபட்டு, ஓமன் கடல் பகுதியில் ஈரானிய வணிகக் கப்பல் மீது தாக்குதல் நடத்தியுள்ளது” என்று ஈரான் இராணுவம் தெரிவித்துள்ளது.
மேலும், அமெரிக்கா அந்தக் கப்பலின் திசைகாட்டி மற்றும் வழிசெலுத்தல் கருவிகளை (Navigational equipment) அழித்ததோடு, கப்பலின் தளம் முழுவதும் தனது துருப்புக்களை நிலைநிறுத்தியுள்ளதாகவும், இது “உண்மையிலேயே ஒரு ஆக்கிரமிப்புச் செயலாகும்” என்றும் இராணுவம் சேர்த்துக் கூறியுள்ளது.
“அமெரிக்காவின் இந்த ஆயுதம் ஏந்திய கடற்கொள்ளைச் செயலுக்கு இஸ்லாமிய குடியரசான ஈரானின் ஆயுதப் படைகள் விரைவில் பதிலடி கொடுக்கும் என்று நாங்கள் எச்சரிக்கிறோம்.
