Business Global International award அமைப்பானது எதிர்வரும் ஒக்டோபர் மாதம் 3ஆம் திகதி ‘Excellence Award’ என்ற நிகழ்வை யாழ்ப்பாணம் திவ்ய மஹால் மண்டபத்தில் மாலை 4 மணிக்கு நடாத்தவிருக்கின்றது.

எமது சமூகத்தில் பல்வேறு துறைகளில் சிறப்பாக செயல்பட்டு வருகின்ற பலர் இருக்கின்றார்கள். தொழில் முனைவோர், சமூக சேவையாளர்கள், கலைஞர்கள், ஊடகவியலாளர்கள் மற்றும் பல்வேறு துறைகளில் சாதனை படைத்தவர்களுடைய திறமை, உழைப்பு மற்றும் சமூகப் பங்களிப்புகளை பாராட்டி, அவர்களுக்கு சர்வதேச தரத்திலான ஒரு கௌரவத்தை வழங்க வேண்டும் என்ற நோக்கத்திலேயே Excellence Awards நிகழ்வை நடத்தும் எண்ணம் உருவான எனவும் Business Global International award – இன் நோக்கமும் சிறந்த சாதனையாளர்களை அடையாளம் கண்டு, அவர்களை கௌரவிப்பதுடன், மேலும் பலரை சாதனைப் பாதையில் பயணிக்க ஊக்குவிப்பது எனவும் Business Global International award அமைப்பு அறிவித்திருக்கின்றது.

BGIA என்பது தொழில், சமூக சேவை, தலைமைத்துவம், கலை, ஊடகம், கல்வி, சுகாதாரம், சுற்றுலா, தொழில்நுட்பம் உள்ளிட்ட பல்வேறு துறைகளில் சிறந்து விளங்குபவர்களின் திறமை, உழைப்பு மற்றும் சமூகப் பங்களிப்புகளை பாராட்டி, அவர்களுக்கு சர்வதேச தரத்திலான ஒரு கௌரவத்தை வழங்க வேண்டும் என்ற நோக்கத்திலேயே Excellence Awards நிகழ்வை நடத்தும் எண்ணம் உருவானது எனவும் வட மாகாணத்தில் உள்ள சாதனையாளர்களை கொழும்பு போன்ற இடங்களுக்கு அழைத்துச் செல்வதை விட, அவர்களுடைய சொந்த மண்ணிலேயே அவர்களை கௌரவிக்க வேண்டும் என்ற எண்ணத்தில் யாழ்ப்பாணத்தைத் தெரிவு செய்தோம் எனவும் விழா ஒழுங்கமைப்பாளர்கள் தெரிவித்திருக்கின்றார்கள்.

BGIA கடந்த காலங்களில் பல்வேறு விருது மற்றும் சமூக அங்கீகார நிகழ்வுகளை நடத்தியுள்ளது.

குறிப்பாக கொழும்பு BMICH-ல் சர்வதேச விருது விழா நடத்தப்பட்டுள்ளது. மேலும் கத்தாரிலும் சமூக சேவையாளர்களை கௌரவிக்கும் விருது நிகழ்வு நடத்தப்பட்டுள்ளது. சமூக சேவையாளர்களை ஊக்குவிக்கும் வகையில் Social Service Awards போன்ற நிகழ்வுகளும் முன்னெடுக்கப்பட்டுள்ளன.
அதன் தொடர்ச்சியாகவே தற்போது வடமாகாணத்தில் Excellence Awards 2026 நிகழ்வு நடைபெறவிருக்கின்றது.

“சாதனையாளர்களை அடையாளம் காண்போம் – அவர்களை கௌரவிப்போம் அடுத்த தலைமுறையை சாதிக்க ஊக்குவிப்போம்” என்பதே எமது பயணத்தின் முக்கிய நோக்கமாகும் எனவும்
இலங்கையின் பல்வேறு மாவட்டங்களிலும் திறமையான தொழில் முனைவோர், சமூக சேவையாளர்கள் மற்றும் சாதனையாளர்களை அடையாளம் கண்டு அவர்களை தேசிய மற்றும் சர்வதேச மட்டத்தில் அறிமுகப்படுத்துவதே தமது முக்கிய நோக்கங்களில் ஒன்றாகும் எனவும்
இளைஞர்களை ஊக்குவித்தல், தொழில் முனைவோர் வளர்ச்சிக்கு ஆதரவளித்தல், சமூகப் பொறுப்புத் திட்டங்களை முன்னெடுத்தல் மற்றும் சர்வதேச மட்டத்தில் இலங்கையின் திறமையாளர்களுக்கு வாய்ப்புகளை உருவாக்குதல் போன்ற பல்வேறு திட்டங்களை எதிர்காலத்தில் முன்னெடுக்க நாம் எதிர்பார்க்கின்றோம் எனவும் BGIA மேலும் தெரிவித்திருக்கின்றது.

நிகழ்வில் கலந்துகொள்ள விரும்புபவர்கள் அல்லது விருது தொடர்பான மேலதிக தகவல்களைப் பெற்றுக்கொள்ள விரும்புபவர்கள் ஏற்பாட்டுக் குழுவை பின்வரும் இலக்கத்தின் ஊடாக நேரடியாகத் தொடர்புகொள்ளலாம் – தொடர்பு இலக்கம்: 0773653989 என்பது குறிப்பிடத்தக்கது.

விருது தொடர்பான பரிந்துரைகள், பங்கேற்பு மற்றும் நிகழ்வு பற்றிய மேலதிக தகவல்களையும் இந்த இலக்கத்தின் ஊடாகப் பெற்றுக்கொள்ள முடியும்.