சிறைச்சாலையிலிருந்து வெளியே செல்லும்போது பௌத்தமதகுருமார் காவியுடையை அணிவதற்கு அனுமதிக்கும் புதிய சிறைச்சாலை விதிமுறையை நீதியமைச்சர் ஹர்சன நாணயக்கார முன்மொழிந்துள்ளார்.
ஞானசார தேரர் சிறையில் அடைக்கப்பட்ட வேளை அவரது காவியுடை களையப்பட்டதால் ஏற்பட்ட சர்ச்சையை தொடர்ந்து ஜனாதிபதிக்கும் பௌத்தபீடாதிபதிகளுக்கும் இடையில் இடம்பெற்ற சந்திப்பை தொடர்ந்தே அரசாங்கத்தின் இந்த அறிவிப்பு வெளியாகியுள்ளது.
ஜனாதிபதியினால் நியமிக்கப்பட்ட குழு தற்போதைய சிறைச்சாலை விதிமுறைகளில் மாற்றங்களை மேற்கொள்வதற்கான பரிந்துரைகளை முன்வைத்துள்ளது என நீதியமைச்சர் தெரிவித்துள்ளார்.
முன்மொழியப்பட்டுள்ள திருத்தங்களின் கீழ் சிறைத்தண்டனை அனுபவிக்கும் பௌத்தமதகுருமார் அவர்களின் பீடாதிபதிகள் வேறு வகையான உத்தரவுகளை பிறப்பிக்காத வரையில் வெளியில் செல்லும்போது காவியுடையை அணிய அனுமதிக்கப்படுவர்.
ஒரு பௌத்ததுறவியை சிறைவைக்கும்போது அவரின் பிரிவின் பீடாதிபதிக்கு குறிப்பிட்ட பௌத்தமதகுருவின் காவியுடை களையப்படுவது குறித்து தெரிவிக்கவேண்டும் எனவும் குழு பரிந்துரைத்துள்ளது.
