சென்னை
எந்தக் காலத்திலும் தமிழ்நாட்டில் தமிழ்த்தாய் வாழ்த்துதான் முதலில் பாடப்படும் என்றும், இருக்கும் மரபுகளை மாற்றித் தேவையற்ற சர்ச்சைகளை உருவாக்குவதை முதலமைச்சர் விஜய் ஒருபோதும் அனுமதிக்க மாட்டார் என்றும் சட்டம் மற்றும் மின்சாரத்துறை அமைச்சர் சி.டி.ஆர் நிர்மல் குமார் திட்டவட்டமாகத் தெரிவித்துள்ளார்.
சமபந்தி விருந்தில் பங்கேற்பு:
80-வது சுதந்திர தினத்தை முன்னிட்டு சென்னை காளிகாம்பாள் கோயிலில் நடைபெற்ற சிறப்பு வழிபாடு மற்றும் சமபந்தி விருந்தில் அமைச்சர் சி.டி.ஆர் நிர்மல் குமார் கலந்துகொண்டார். பொதுமக்களுக்கு உணவைப் பரிமாறிய அவர், பின்னர் அவர்களுடன் அமர்ந்து உணவருந்தினார்.
“மாற்றத்திற்கான அரசு – 12 மணி நேர ஆய்வுக் கூட்டங்கள்”:
இதன் பின்னர் செய்தியாளர்களைச் சந்தித்த அவர், “மக்கள் விரும்பிய மாற்றத்தின் அடிப்படையில் தேர்ந்தெடுக்கப்பட்ட முதலமைச்சர் விஜய் கோட்டையில் கொடியேற்றியுள்ளார். இது தமிழகத்தில் உள்ள ஒட்டுமொத்த மக்களும் கொடியேற்றியதற்குச் சமம். முதலமைச்சர் நாளொன்றுக்கு 12 மணி நேரம் ஆய்வுக் கூட்டங்கள் நடத்தி, மக்களுக்குத் தேவையான திட்டங்களை அடுத்த நொடியே அமல்படுத்தி வருகிறார்,” என்று பெருமிதத்துடன் கூறினார்.
தமிழ்த்தாய் வாழ்த்து சர்ச்சை:
நீதிமன்றத்தில் தமிழ்த்தாய் வாழ்த்து முதலில் பாடப்படுவது குறித்த கேள்விக்குப் பதிலளித்த அவர், “நீதியரசர்கள் மற்றும் வழக்கறிஞர் சங்கங்களின் கோரிக்கைக்கு இணங்கவே உயர்நீதிமன்றத்தில் தமிழ்த்தாய் வாழ்த்து பாடப்பட்டது. இருக்கும் ஒரு வழக்கத்தை மாற்றுவது தேவையற்ற சர்ச்சையையே ஏற்படுத்தும். மொழிவாரியாக மாநிலங்கள் பிரிக்கப்பட்ட பிறகு, அந்தந்த மாநிலங்களில் மாநில வாழ்த்துப் பாடல்தான் முதலில் பாடப்பட வேண்டும். இதை மாற்றுவதை எந்தக் காலத்திலும் முதலமைச்சர் விஜய் அனுமதிக்க மாட்டார்; தமிழ்த்தாய் வாழ்த்துதான் முதலில் பாடப்படும்,” என்று உறுதியாகக் கூறினார்.
உச்சநீதிமன்ற உத்தரவுக்கு வரவேற்பு:
மேலும், கரூர் சம்பவத்தில் (1983 கலவரம்) பாதிக்கப்பட்ட 31 பேருக்கு வேலைவாய்ப்பு வழங்குவதற்கு எதிரான உயர்நீதிமன்ற மதுரை கிளையின் உத்தரவுக்கு உச்சநீதிமன்றம் இடைக்காலத் தடை விதித்துள்ளது குறித்த கேள்விக்கு, “இது மிகவும் வரவேற்கத்தக்கது. இது தொடர்பாகச் சட்டரீதியான ஆலோசனைகளை மேற்கொள்வோம். பாதிக்கப்பட்ட மக்களுக்கு வேலைவாய்ப்பு கிடைக்கக் கூடாது எனத் திரும்பத் திரும்பச் சில கட்சிகள் போராடி வருவது வன்மையாகக் கண்டிக்கத்தக்கது,” என்று அவர் தெரிவித்தார்.
#CTRNirmalkumar #TamilThaiValthu #ChiefMinisterVijay #JosephVijay #ThalapathyVijay #TVKGovernment #TamilNaduNews #Chennai #SupremeCourt #TNPolitics #ViralNewsTN #TrendingTN #LatestNewsTN #TNNewsUpdates
