சென்னை
காவிரி உரிமை மற்றும் மேகதாது அணை விவகாரத்தில் தமிழ்நாட்டின் உரிமையை இந்த அரசு ஒருபோதும் விட்டுக்கொடுக்காது என முதலமைச்சர் ஜோசப் விஜய் சட்டப்பேரவையில் மிகத் திட்டவட்டமாக உறுதிபடத் தெரிவித்துள்ளார்! தமிழ்நாட்டு மக்களுக்காகத் தான் எந்த அவமானத்தையும் சந்திக்கத் தயாராக உள்ளதாக அவர் உணர்ச்சிப்பொங்க ஆற்றிய உரை பெரும் அதிர்வலைகளை ஏற்படுத்தியுள்ளது.
இன்று சபாநாயகர் ஜே.சி.டி. பிரபாகர் தலைமையில் நடைபெற்ற சட்டப்பேரவைக் கூட்டத்தொடரில், காவிரி விவகாரம் தொடர்பாக எதிர்க்கட்சித் தலைவர் உதயநிதி ஸ்டாலின் கொண்டுவந்த சிறப்பு கவன ஈர்ப்புத் தீர்மானத்திற்கு முதலமைச்சர் விஜய் அதிரடியாகப் பதிலளித்தார். அப்போது அவர், “காவிரி விவகாரம் என்பது தமிழர்களின் உணர்வுப்பூர்வமான பிரச்சினை; இதை வைத்து அற்ப அரசியல் செய்யும் நோக்கம் இந்த அரசுக்குத் துளியும் இல்லை. மேகதாது அணை கட்ட எந்தவித நிர்வாக அனுமதியும் கர்நாடகாவிற்கு வழங்கக் கூடாது எனப் பிரதமருக்கு ஏற்கனவே நாம் கடிதம் அனுப்பியுள்ளோம்” எனத் தெளிவுபடுத்தினார்.
கர்நாடகா சென்று பேச்சுவார்த்தை நடத்துவது குறித்த விமர்சனங்களுக்குப் பதிலளித்த அவர், “பகை நாடுகளே பேசித் தீர்க்க முற்படும்போது, அண்டை மாநிலத்துடன் பேசிப் பார்த்தால் என்ன என்ற நேர்மறையான எண்ணத்தில்தான் கர்நாடகா செல்ல நான் திட்டமிட்டேன். ஒருவேளை அங்குச் செல்வதால் எனக்கு அவமானம் நேர்ந்தால் என்ன நடக்கும் எனச் சிலர் கேட்கிறார்கள்; தமிழ்நாட்டு மக்களுக்காக அந்த அவமானத்தையும் முழுமையாகத் தாங்கிக் கொள்ள நான் தயாராகவே இருக்கிறேன்!” என மாஸாகக் பதிலடி கொடுத்தார்.
மேலும், “குறுவை சாகுபடி விவசாயிகளுக்கான நிவாரணம் ஏற்கனவே வழங்கப்பட்டுவிட்டது. அரசியலே நாங்கள்தான் என மார்தட்டிக்கொள்ளும் சிலருக்கு இது எப்படித் தெரியாமல் போனது? தினமும் நியூஸ் பேப்பர் படித்திருந்தால் நாட்டில் என்ன நடக்கிறது எனத் தெரிந்திருக்கும்” என எதிர்க்கட்சியினரைச் சரமாரியாக விமர்சித்து முதலமைச்சர் விஜய் தனது அதிரடி உரையை நிறைவு செய்தார்!
#ThalapathyVijay #ChiefMinisterVijay #TVKGovernment #TNAssembly #CauveryIssue #MekedatuDam #TamilNaduPolitics #TNPolitics #Chennai #UdhayanidhiStalin #TamilNews #ViralNews #LatestNewsTN #TrendingTN #FarmersIssue #PoliticalUpdatesTN
