ஸ்கார்பரோ பகுதியில் வெள்ளிக்கிழமை அதிகாலை இடம்பெற்ற துப்பாக்கிச் சூட்டுச் சம்பவத்தில், பல குடியிருப்புத் தொகுதிகள் (Apartment units) சேதமடைந்துள்ளதாகவும், இது குறித்து விசாரணைகளை முன்னெடுத்து வருவதாகவும் ரொறன்ரோ பொலிஸார் தெரிவித்துள்ளனர்.
மிட்லேண்ட் அவென்யூவிற்கு (Midland Avenue) அருகில் உள்ள கார்டன்ரிட்ஜ் பிளேஸ் (Gordonridge Place) மற்றும் டான்போர்த் வீதி (Danforth Road) பகுதியில் அதிகாலை 4:15 மணியளவில் இந்தத் துப்பாக்கிச் சூட்டுச் சத்தம் கேட்டுள்ளது.
சம்பவ இடத்திற்குச் சென்ற அதிகாரிகள் துப்பாக்கிச் சூடு நடத்தப்பட்டதற்கான ஆதாரங்களைக் கண்டறிந்ததாக பொலிஸார் தெரிவித்தனர். எனினும், இச்சம்பவத்தில் எவருக்கும் காயங்கள் ஏற்பட்டதாகப் பதிவாகவில்லை.
துப்பாக்கிச் சூடு காரணமாக பல குடியிருப்புத் தொகுதிகளின் வெளிப்ப பகுதிகள் சேதமடைந்துள்ளதாக பொலிஸார் சுட்டிக்காட்டியுள்ளனர்.
இச்சம்பவம் தொடர்பான மேலதிக விசாரணைகளை பொலிஸார் தொடர்ந்தும் முன்னெடுத்து வருகின்றனர்.
