பிரம்டன் (Peel Region): கனடா, ஒன்டாரியோவின் பிரம்டன் (Brampton) நகரில் வசித்து வரும் 14 வயதுடைய ஏவா (Ava) என்ற சிறுமி காணாமல் போயுள்ளதாக பீல் பிராந்திய காவல்துறையின் 22 ஆம் பிரிவு குற்றப்புலனாய்வுப் பணியகம் (CIB) தெரிவிவித்துள்ளதுடன், அவரைத் தேடிக் கண்டுபிடிப்பதற்கு பொதுமக்களின் அவசர உதவியையும் கோரியுள்ளது.

கடந்த ஜூன் 20 ஆம் தேதி மாலை சுமார் 6:30 மணியளவில், பிரம்டன் நகரின் ‘கிரெடிட்வியூ வீதி’ (Creditview Road) மற்றும் ‘சண்டல்வுட் பார்க்வே’ (Sandalwood Parkway) சந்திப்புப் பகுதியில் உள்ள தனது வீட்டிலிருந்து கால்நடையாக வெளியேறிய நிலையிலேயே ஏவா காணாமல் போயுள்ளார்.

அடையாள விபரங்கள்:

காணாமல் போயுள்ள ஏவா என்ற சிறுமியின் தோற்ற அமைப்புகள் பின்வருமாறு விவரிக்கப்பட்டுள்ளன:

• இனம் / நிறம்: வெள்ளையினப் பெண் (Caucasian), பிரகாசமான முகத்தோற்றம் (Light complexion).

• உயரம் மற்றும் எடை: சுமார் 5 அடி 3 அங்குலம் உயரம், 115 பவுண்ட் (lbs) எடை.

• உடல்வாகு: மெலிந்த உடலமைப்பு (Thin build).

• கண்கள் மற்றும் கூந்தல்: பழுப்பு நிறக் கண்கள் (Brown eyes), தோள் வரை நீண்ட பழுப்பு நிறக் கூந்தல் (Shoulder-length brown hair).

• இறுதியாக அணிந்திருந்த ஆடை: இளஞ்சிவப்பு நிற வட்டக் கழுத்து ஸ்வெட்டர் (Pink crew neck sweater), சாம்பல் நிறக் காற்சட்டை (Grey shorts) மற்றும் வெளிர் நிறத்திலான குரோக்ஸ் (Crocs) காலணி.

காவல்துறையின் அவசர அறிவிப்பு: சிறுமி ஏவா காணாமல் போய் பல நாட்கள் கடந்துள்ளதால், அவரது பாதுகாப்பு மற்றும் நல்வாழ்வு குறித்து அவரது குடும்பத்தினரும் காவல்துறையினரும் பலத்த கவலையடைந்துள்ளனர்.

தொடர்புகொள்ள வேண்டிய விபரங்கள்:

ஏவா இருக்கும் இடம் அல்லது அவர் குறித்த ஏதேனும் தகவல்கள் தெரிந்தவர்கள் உடனடியாக (905) 453-2121 (ext. 2233) என்ற இலக்கத்தின் ஊடாக 22 ஆம் பிரிவு குற்றப்புலனாய்வுப் பணியக புலனாய்வாளர்களைத் தொடர்புகொள்ளுமாறு கோரப்பட்டுள்ளனர்.

தகவல்களை இரகசியமாக வழங்க விரும்பின், 1-800-222-TIPS (8477) என்ற இலக்கத்திற்கு ‘பீல் க்ரைம் ஸ்டாப்பர்ஸ்’ (Peel Crime Stoppers) அமைப்பிற்கு அழைக்கலாம் அல்லது peelcrimestoppers.ca என்ற இணையதளத்திற்குச் சென்று தகவல்களைப் பதிவு செய்யலாம்