இலங்கை திறைசேரியால் செலுத்தப்பட்ட 2.5 மில்லியன் டாலர் நிதி மாயமானது குறித்து உடனடி விசாரணைகளை மேற்கொள்ளுமாறு கோரி, பொலிஸ் மா அதிபரிடம் முறைப்பாடுஅளிக்கப்பட்டுள்ளது.

‘Truth Seekers’ இயக்கத்தின் அமைப்பாளரும் ஜனாதிபதி சட்டத்தரணியுமான பிரேம்நாத் சி. தொலவத்த பொலிஸ்மா அதிபரிடம் முறைப்பாடு செய்துள்ளார்.

வெளிநாடு ஒன்றிற்குச் செலுத்த வேண்டிய 22.9 மில்லியன் டாலர் கடன் தவணையில், 2.5 மில்லியன் டாலர் நிதி கடந்த 2025 டிசம்பர் மற்றும் 2026 ஜனவரிக்கு இடைப்பட்ட காலத்தில் செலுத்தப்பட்டுள்ளது. ஆனால், அந்தப் பணம் உரிய நாட்டுக்குச் செல்லாமல், ஒரு ‘சைபர் ஹேக்கரின்’ (மூன்றாம் தரப்பு) கணக்கிற்குத் திசைதிருப்பப்பட்டுள்ளமை ஊடகங்கள் வாயிலாக அம்பலமானது.

இடைநீக்கம் செய்யப்பட்ட அதிகாரிகள்:
இந்தச் சம்பவம் தொடர்பாக மார்ச் 4-ஆம் திகதி ஒரு தொழில்நுட்ப விசாரணைக் குழு நியமிக்கப்பட்டது. இதனைத் தொடர்ந்து, திறைசேரியின்:

இரண்டு பிரதிப் பணிப்பாளர்கள் (Deputy Directors)

இரண்டு பணிப்பாளர்கள் (Directors)

தகவல் தொழில்நுட்பப் பிரிவின் தலைவர் (Head of IT Division)
ஆகியோர் பணியிடை நீக்கம் (Suspension) செய்யப்பட்டுள்ளதாகப் புகாரில் குறிப்பிடப்பட்டுள்ளது.

இவ்வளவு பெரிய தொகையை ஒரு கணக்காளர் அல்லது தொழில்நுட்ப அதிகாரியால் மட்டும் கையாண்டிருக்க முடியாது என பிரேம்நாத் தொலவத்த வாதிடுகிறார். இக்கொடுப்பனவு அங்கீகரிக்கப்படுவதற்குபிரதித் திறைசேரிச் செயலாளர்திறைசேரிச் செயலாளர்அமைச்சின் செயலாளர்மற்றும் சம்பந்தப்பட்ட அரசியல் தலைமை
ஆகியோரின் அனுமதி அல்லது தலையீடு இருந்திருக்க வாய்ப்புள்ளதாக அவர் சந்தேகம் வெளியிட்டுள்ளார்.

கோரிக்கை:
திறைசேரியின் உள்ளகக் குழுவினால் மட்டும் இவ்வாறான பாரிய நிதி முறைகேட்டை முழுமையாக விசாரிக்க முடியாது என்பதால், இலங்கை பொலிஸார் ஊடாக ஒரு சுயாதீனமான மற்றும் பக்கச்சார்பற்ற விசாரணை நடத்தப்பட வேண்டும் என அவர் வலியுறுத்தியுள்ளார்.