அமெரிக்க ஜனாதிபதியின் உத்தியோகபூர்வ இல்லமான வெள்ளை மாளிகைக்கு மிக அருகில் துப்பாக்கிச் சூடு நடத்தப்பட்டதாகக் கூறப்படும் சம்பவம் குறித்து அமெரிக்க இரகசிய சேவை (US Secret Service) விசாரணைகளை ஆரம்பித்துள்ளது.
ஞாயிற்றுக்கிழமை அதிகாலை (உள்ளூர் நேரப்படி நள்ளிரவு 12:00 மணிக்குப் பிறகு). வெள்ளை மாளிகைக்கு வடக்கே அமைந்துள்ள லாஃபாயெட் பூங்கா (Lafayette Park) மற்றும் அதனைச் சூழவுள்ள பகுதிகளில் துப்பாக்கிச் சத்தம் கேட்டதாகத் தெரிவிக்கப்பட்டதையடுத்து அதிகாரிகள் அங்கு விரைந்தனர்.
இந்தச் சம்பவத்தில் எவருக்கும் காயம் ஏற்படவில்லை என்றும், சந்தேகநபர்கள் எவரும் சம்பவ இடத்தில் கைது செய்யப்படவில்லை என்றும் இரகசிய சேவை உறுதிப்படுத்தியுள்ளது.
வெள்ளை மாளிகையின் செயல்பாடுகள் வழமை போல் தொடர்ந்தாலும், பாதுகாப்பு பலப்படுத்தப்பட்டுள்ளது (Heightened security posture).
இந்தச் சம்பவத்துடன் தொடர்புடையதாகக் கருதப்படும் ஒரு வாகனம் மற்றும் ஒரு நபர் குறித்து அதிகாரிகள் தேடி வருகின்றனர்.
விசாரணைகளுக்காக தற்காலிகமாக மூடப்பட்டிருந்த வீதிகள் தற்போது மீண்டும் திறக்கப்பட்டுள்ளன.
ஈஸ்டர் வார இறுதியை முன்னிட்டு டொனால்ட் ட்ரம்ப் புளோரிடா செல்லாமல் வாஷிங்டன் டி.சி-யிலேயே தங்கியிருந்தார். அவர் வெள்ளை மாளிகையில் இடைவிடாது பணியாற்றி வருவதாகவும், ஞாயிற்றுக்கிழமை இரவு அங்கு குடும்பத்துடன் ஈஸ்டர் விருந்தில் கலந்துகொள்ளத் திட்டமிட்டிருந்ததாகவும் வெள்ளை மாளிகை வட்டாரங்கள் தெரிவிக்கின்றன.
