அமெரிக்க அதிபர் டொனால்ட் ட்ரம்ப், கனடாவுக்கு எதிராகப் பதிலடி கொடுக்கும் வகையில், எதிர்வரும் புத்தாண்டு முதல் “அனைத்து வகையான பெரிய மற்றும் சிறிய கார்கள், டிரக்குகள், வாகன உதிரிபாகங்கள் மற்றும் எஃகு (Steel)” மீதான இறக்குமதி வரிகளை 50 சதவீதமாக உயர்த்தப்போவதாக அறிவித்துள்ளார்.
“அமெரிக்காவிற்குள்ளேயே உற்பத்தி செய்யுங்கள், அங்கு எந்த வரியும் இல்லை (ZERO TARIFFS). கனடா இனி அமெரிக்காவின் ஒரு மாநிலத்தைப் போல நடத்தப்படாது! வர்த்தகத்திலும், பிற வழிகளிலும் கூட, கையாள்வதற்கு உலகின் மிகவும் மோசமான நாடுகளில் ஒன்றாக அவர்கள் உள்ளனர்,” என்று ட்ரம்ப் திங்களன்று தனது ‘ட்ரூத் சோஷியல்’ (Truth Social) தளத்தில் பதிவிட்டுள்ளார்.
“அவர்கள் தங்களுக்கு அனைத்தும் கிடைக்கத் தகுதியுடையவர்கள் என்று நினைக்கிறார்கள், ஆனால் எங்களுக்குக் கனடா தேவையில்லை, அவர்களுக்குத் தான் நாங்கள் தேவை! அவர்கள் தங்களின் 95% வர்த்தகத்தை அமெரிக்காவுடன் (எங்களுடன்) செய்கிறார்கள், ஆனால் நாங்கள் அவர்களுக்குச் செய்வது இதற்கு நேர்மாறானது! இந்த விவகாரத்தில் கவனம் செலுத்தியதற்கு நன்றி!” என்றும் அவர் குறிப்பிட்டுள்ளார்.
