சட்டம் ஒழுங்கு தொடர்பான சில தகவல்கள் இனி தகவல் அறியும் உரிமைச் (RTI) சட்டத்தின் கீழ் வழங்கப்படாது என த.வெ.க அரசு புதிய உத்தரவு பிறப்பித்திருந்தது. தகவல் அறியும் உரிமைச் சட்டத்தில் இருந்து பொதுத் துறையின் கீழ் உள்ள சட்டம் ஒழுங்கு பிரிவுக்கு விலக்கு அளித்துள்ளதாக த.வெ.க அரசு உத்தரவு பிறப்பித்திருந்தது. அதேபோல், உளவு மற்றும் பாதுகாப்புப் பணிகளில் ஈடுபடும் அமைப்பாக அறிவித்து உத்தரவிடப்பட்டது.
அதன்படி மாணவர்கள், விவசாயிகள், அரசியல் கட்சிகளின் போராட்டங்கள், காவல் மரணங்கள், துப்பாக்கிச்சூடு தொடர்பான அறிக்கைகள் இனி தகவல் அறியும் உரிமைச் சட்டத்தின் கீழ் இனி பெற முடியாது என்று தெரிவிக்கப்பட்டது. மேலும், சமூக – சாதிய மோதல்கள், போராட்ட வழக்குகளை திரும்பப் பெறுவதற்கான கோரிக்கைகள் உள்ளிட்டவை தொடர்பான தகவல்களையும் தகவல் அறியும் உரிமைச் சட்டத்தின் கீழ் பெற முடியாது என்று கூறப்பட்டது.
