சென்னை
தமிழ்நாடு சட்டமன்றத்திற்கு முதல்முறையாகத் தேர்ந்தெடுக்கப்பட்டுள்ள சட்டமன்ற உறுப்பினர்களுக்கு அரசு சார்பில் கார் மற்றும் உதவியாளர்களை வழங்க முதலமைச்சர் ச. ஜோசப் விஜய் முடிவு செய்துள்ளதாகத் தலைமைச் செயலக வட்டாரங்கள் தகவல் தெரிவிக்கின்றன.
சட்டப்பேரவையில் எம்.எல்.ஏ. ஜோதிமணி உருக்கமான கோரிக்கை:
சட்டப்பேரவை பட்ஜெட் கூட்டத்தொடரில் பேசிய காட்டுமன்னார்கோவில் சட்டமன்ற உறுப்பினர் ஜோதிமணி, “நான் தலைமைச் செயலகத்திற்கு 280 கிலோமீட்டர் தொலைவில் இருந்து வருகிறேன். பேருந்து அல்லது ரயிலில் பயணம் செய்யப் படிகள் வழங்கப்பட்டாலும், சொந்தமாக வாகனம் எதுவும் இல்லாததால் வாடகை வாகனத்திலேயே வந்து செல்கிறேன். எனது தொகுதியின் சுற்றளவு 40 கிலோமீட்டர் என்பதால் மக்களைச் சந்தித்துப் பணியாற்ற வாகன வசதி இல்லை. ஒரு உதவியாளரை வைத்து ஊதியம் கொடுக்கும் அளவிற்குக்கூட வசதியில்லை. எனவே உறுப்பினர்களுக்கு அரசு சார்பில் வாகன வசதி செய்து தர வேண்டும்,” என்று உருக்கமாகக் கோரிக்கை விடுத்தார்.
“அள்ளிக் கொடுக்கும் கரங்கள்” – சபாநாயகர் பதில்:
இதற்குப் பதிலளித்துப் பேசிய சட்டப்பேரவைத் தலைவர் ஜே.சி.டி. பிரபாகர், “முதலமைச்சருக்குக் கிள்ளிக் கொடுக்கும் கரங்கள் அல்ல; அள்ளிக் கொடுக்கும் கரங்கள் தான். அவர் மிகவும் கனிவுடன் அணுகக்கூடியவர். நிச்சயம் இதை நல்ல முறையில் பரிசீலனை செய்வார்,” என்று உறுதியளித்து, ஜோதிமணியின் மனுவை முதலமைச்சர் விஜய்யின் கவனத்திற்கு அனுப்பி வைத்தார்.
முதல்வர் விஜய் உடனடி முடிவு:
சபாநாயகர் மூலம் வந்த இந்தக் கோரிக்கையை உடனடியாகப் பரிசீலித்த முதலமைச்சர் விஜய், சட்டமன்றத்திற்கு முதல்முறையாகத் தேர்வாகியுள்ள புதிய எம்.எல்.ஏ-க்களுக்கு மக்கள் பணிகளைத் தொய்வின்றி மேற்கொள்ளும் வகையில் அரசு சார்பில் கார் மற்றும் உதவியாளர்களை வழங்கத் திட்டவட்டமாக முடிவு செய்துள்ளதாக அரசு வட்டாரங்கள் தெரிவிக்கின்றன. முதல்வரின் இந்த அதிரடி நடவடிக்கை சட்டமன்ற உறுப்பினர்கள் மத்தியில் பெரும் வரவேற்பைப் பெற்றுள்ளது.
#TamilNaduAssembly #ChiefMinisterVijay #JosephVijay #ThalapathyVijay #TVKGovernment #JothimaniMLA #Kattumannarkoil #JCDPrabhakar #TNGovt #TamilNaduNews #Chennai #TNPolitics #ViralNewsTN #TrendingTN #LatestNewsTN #TNNewsUpdates
